Categories
ആരോഗ്യം

കൊളസ്‌ട്രോളാണോ ഇവ ശ്രദ്ധിക്കുക

നമ്മുടെ ഭക്ഷണത്തില്‍ 20 ശതമാനം മാത്രമാണ് കൊഴുപ്പായി എത്തുന്നത്. ബാക്കി 80 ശതമാനവും ലിവര്‍ തന്നെ ഉല്‍പാദിപ്പിയ്ക്കുന്നു. ശരീരത്തില്‍ കാര്‍ബോഹൈഡ്രേറ്റുകള്‍ കൂടുതല്‍ എത്തുമ്പോള്‍ ഇവ ഊര്‍ജമാക്കി മാറ്റാതെ ഫാറ്റാക്കി മാറ്റി ശരീരത്തില്‍ സംഭരിയ്ക്കപ്പെടുന്നു.

അതായത് പ്രമേഹത്തിന് മാത്രമല്ല, കൊളസ്‌ട്രോളിനും കാര്‍ബോഹൈഡ്രേറ്റ് കാരണമാകുന്നുവെന്നര്‍ത്ഥം. കൊളസ്‌ട്രോള്‍ കുറയണമെങ്കില്‍ പെട്ടെന്നു തന്നെ ശരീരത്തില്‍ അലിഞ്ഞു ചേരാത്ത, അതായത് പെട്ടെന്നു തന്നെ ദഹനം നടക്കാത്ത രീതിയിലെ ഭക്ഷണം കഴിയ്ക്കണം. ഇതിനാല്‍ ഗ്ലൈസമിക് ഇന്‍ഡെക്‌സ് കുറഞ്ഞവ കഴിയ്ക്കാന്‍ ശ്രദ്ധിയ്ക്കുക.

പ്രാതലിന്

പ്രാതലിന്റെ കാര്യം എടുക്കാം. കാരനാം പൊതുവേ പ്രാതലിന് ഇഡ്ഢലി, ദോശ, അപ്പം തുടങ്ങിയവ കഴിയ്ക്കുന്നവരാണ്. അതായത് പുളിപ്പിച്ച ഭക്ഷണങ്ങള്‍. എന്നാല്‍ ഇവ ആരോഗ്യത്തിന് പൊതുവേ നല്ലതാണെന്നു കരുതുമ്പോഴും കൊളസ്‌ട്രോള്‍ പ്രശ്‌നത്തിന് അത്ര നല്ലതല്ലെന്നു വേണം, പറയുവാന്‍. ഇവ വെളുത്ത അരി കൊണ്ടുണ്ടാക്കുന്നുവയാണ്. കാര്‍ബോഹൈഡ്രേറ്റ് തോത് കൂടുതലാണ്.

ഇവ പെട്ടെന്നു തന്നെ രക്തത്തിലെ ഗ്ലൂക്കോസ് തോത് വര്‍ദ്ധിപ്പിയ്ക്കും. പ്രമേഹത്തിനും കൊളസ്‌ട്രോളിനും ഇത് നല്ലതല്ല. മാത്രമല്ല, പെട്ടെന്നു തന്ന വിശക്കുകയും ചെയ്യും. കൊളസ്‌ട്രോള്‍ ഉള്ളവര്‍ക്ക് ഗോതമ്പു ഭക്ഷണം നല്ലതാണ്. ചപ്പാത്തി, ആവിയില്‍ തയ്യാറാക്കുന്ന ഗോതമ്പു വിഭവങ്ങള്‍ എന്നിവ ഗുണം നല്‍കും.

ഇതുപോലെ ഓട്‌സ് നല്ലതാണ്. എന്നാല്‍ ഓട്‌സ് കഴിയ്ക്കുന്ന രീതിയിലും കാര്യമുണ്ട്. ഓട്‌സ് കാച്ചിക്കഴിയ്ക്കുന്നത് പെട്ടെന്നു തന്നെ ശരീരത്തില്‍ ഗ്ലൈസമിക് ഇന്‍ഡെക്‌സ് കൂടും. ഇത് പെട്ടെന്നു ദഹിയ്ക്കും. ഇതിനാല്‍ ഓട്‌സ് കൊണ്ട് പുട്ടോ ഉപ്പുമാവോ കഴിയ്ക്കുന്നതാണു നല്ലത്.

നട്‌സില്‍

നട്‌സില്‍ ബദാം കുതിര്‍ത്ത് തൊലി കളയാതെ ഇട നേരത്ത്, അതായത് രാവിലെ 11 മണിക്കു കഴിയ്ക്കുന്നത് നല്ലതാണ്. ചിലര്‍ക്ക് ഇട നേരത്ത് ചായ ശീലമുണ്ട്. ചായ പാല്‍ ചേ്ര്‍ക്കാതെ കഴിയ്ക്കാം.

നാരങ്ങാനീരു ചേര്‍ത്തു കട്ടന്‍ ചായയോ ഗ്രീന്‍ ടീയോ കഴിയ്ക്കാം. ഇതല്ലെങ്കില്‍ ഒലീവ് ഓയില്‍ ചേര്‍ത്ത് സാലഡുകള്‍ കഴിയ്ക്കാം. ചായയ്ക്കു പകരം മോരുംവെള്ളം നല്ലൊരു വഴിയാണ്. ഗ്രീന്‍ ടീയില്‍ തേന്‍ ചേര്‍ത്താലും അത്ര നല്ലതല്ല. തേനും കാര്‍ബോഹൈഡ്രേറ്റാണ്.

അരി ഭക്ഷണം

ഉച്ചയ്ക്ക് അരി ഭക്ഷണം കഴിയ്ക്കണമെങ്കില്‍ തവിടു കളയാത്ത അരി കഴിയ്ക്കാം. കുത്തരി നല്ലതാണ്. ചമ്പാവരിയല്ല കുത്തരി. റെഡ് റൈസ് ആണിത്. ചുവന്ന നിറത്തിലെ അരിയാണിത്. ഇതിന്റെ കഞ്ഞി വെള്ളത്തിന് ചുവന്ന നിറമായിരിയ്ക്കും.

ഈ ചോറിന് സാധാരണ അരിയുടെ രുചിയും കാണില്ല. എന്നാല്‍ ആരോഗ്യകരമാണ്. പയര്‍ വര്‍ഗങ്ങള്‍ ഒപ്പം കഴിയ്ക്കും. ബീന്‍സ്, പയര്‍ വര്‍ഗങ്ങള്‍ നല്ലതാണ്.

അത്യാവശ്യം ചിക്കന്‍, മീന്‍ എന്നിവ കഴിയ്ക്കാം. ഷെല്‍ ഫിഷസ്, അതായത് ഞണ്ട്, ചെമ്മീന്‍ എന്നിവ കുറയ്ക്കാം. പകരം ചെറിയ മീനുകള്‍ ഉപയോഗിയ്ക്കാം. ശേഷം ഒരു കപ്പ് മോര് കുടിയ്ക്കാം.

രാത്രിയില്‍

രാത്രിയില്‍ ഫ്രൂട്‌സ് നല്ലതാണ്. ആറു മണിക്കു ശേഷം കഴിവതും ഭക്ഷണം കഴിയ്ക്കരുത്. ഇത് തടിയും വയറും കുറയ്ക്കാനും നല്ലതാണ്. ജ്യൂസിന് പകരം ഫ്രൂട്‌സ് നല്ലതു പോലെ ചവച്ചരച്ചു കഴിയ്ക്കാം.

പപ്പായ, പേരയ്ക്ക എന്നിവയെല്ലാം നല്ലതാണ്. തടിയും കൊള്‌സട്രോളുമായി പരസ്പര ബന്ധമുണ്ട്. തടിയെങ്കില്‍ കൊളസ്‌ട്രോള്‍ കൂടുന്നത് സാധാരണയാണ്. തടി കുറയ്ക്കുകയെന്നത് ലക്ഷ്യമെങ്കില്‍ രാത്രി ആറിനു ശേഷം കഴിവതും ഒന്നും കഴിയ്ക്കാതിരിയ്ക്കുക.

കൂടുതല്‍ വിവരങ്ങള്‍ തേടൂ ..ആരോഗ്യം പരിപാലിക്കൂ …

Spread the love
ട്രൂവിഷന്‍ ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
Next Tv

NEWS ROUND UP