(truevisionnews.com) മലയാളികളുടെ സ്വകാര്യ അഹങ്കാരമാണ് പരിപ്പുവടയും കട്ടൻ ചായയും. കൂടെ മഴയും ജോൺസൻമാഷിൻറെ പാട്ടും. വൈകുന്നേരം ഈ പാട്ടിന്റെ കൂടെ കഴിക്കാൻ നല്ല ചൂടൻ പരിപ്പുവട ഉണ്ടാക്കിനോക്കാം
ചേരുവകൾ
.gif)
തുവരപരിപ്പ്‌ - ഒരു കപ്പ്
സവാള - 1 എണ്ണം (അരിഞ്ഞത്‌)
പച്ചമുളക്‌ - 1 ടേബിൾ സ്പൂണ്‍ (അരിഞ്ഞത്‌)
ഇഞ്ചി - ഒരു ടീസ്‌പൂണ്‍ (അരിഞ്ഞത്‌)
കറിവേപ്പില - ആവശ്യത്തിന്‌ (അരിഞ്ഞത്‌)
വെളിച്ചെണ്ണ - 2 കപ്പ്
ഉപ്പ് - ആവശ്യത്തിന്‌
തയാറാക്കും വിധം
തുവരപരിപ്പ്‌ നാലു മണിക്കൂര്‍ വെള്ളത്തില്‍ കുതിര്‍ത്ത ശേഷം, വെള്ളം ഇല്ലാതെ തരുതരുപ്പായി അരയ്‌ക്കുക. ഒരു പാത്രത്തില്‍, അരച്ച പരിപ്പ്, പച്ചമുളക്‌, ഇഞ്ചി, സവാള. കറിവേപ്പില, ഉപ്പ് എന്നിവ ചേര്‍ത്തിളക്കുക.
ചീനച്ചട്ടിയിൽ എണ്ണ ഒഴിച്ച് ചൂടാകുമ്പോൾ, അരച്ച കൂട്ടിൽ നിന്നും ഒരു ഉരുള എടുത്തു കൈപ്പത്തിയിൽ വെച്ച് അമർത്തി വട പരുവപെടുത്തി എണ്ണയിലിടുക. ഇരു വശവും നന്നായി പൊരിഞ്ഞു, ചുവന്ന നിറമാകുമ്പോള്‍ കോരുക.
രുചിയുള്ള ചൂടൻ പരിപ്പുവട റെഡി.
#preparing #Parippuvada #thattukada #style
