---
title: "കുട്ടികൾ ഇതിൽ മയങ്ങും....! സായാഹ്ന ചായകുടി ഇനി സൂപ്പറാക്കാം; നാവിൽ കൊതിയൂറും എഗ്ഗ് ലോലിപോപ്പ്"
english_title: "Let's make our evening tea super special Egg lollipops will make your tongue tingle"
publisher: "truevisionnews.com"
canonical_url: "https://truevisionnews.com/news/304612/lets-make-our-evening-tea-super-special-egg-lollipops-will-make-your-tongue-tingle"
published_at: "2025-07-25T17:40:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/68837558701fc_ghfgh.jpg"
keywords: []
---

# കുട്ടികൾ ഇതിൽ മയങ്ങും....! സായാഹ്ന ചായകുടി ഇനി സൂപ്പറാക്കാം; നാവിൽ കൊതിയൂറും എഗ്ഗ് ലോലിപോപ്പ്

> **Lead Summary:** **( **[www.truevisionnews.com]** )** നമ്മുടെ അടുക്കളകൾ പലപ്പോഴും വെറും പാചക ഇടങ്ങൾക്കപ്പുറം, പുതിയ രുചിക്കൂട്ടുകൾ കണ്ടെത്താനുള്ള പരീക്ഷണശാലകളാണ്. പ്രത്യേകിച്ച് കുട്ടികളെ ആകർഷിക്കുന്ന വിഭവങ്ങൾ ഉണ്ടാക്കുമ്പോൾ ഈ പരീക്ഷണങ്ങൾ കൂടുതൽ രസകരമാകാറുണ്ട്. അങ്ങനെയൊരു പരീക്ഷണത്തിലൂടെ നാവിലെ രുചിമുകുളങ്ങളെ ഉണർത്തുന്ന, കുട്ടികൾക്ക് ഏറെ ഇഷ്ടപ്പെടുന്ന ഒരു സ്നാക്‌സാണ് എഗ്ഗ് ലോലിപോപ്പ്. ഉണ്ടാക്കാൻ എളുപ്പമുള്ള ഈ വിഭവം എങ്ങനെ തയ്യാറാക്കാമെന്ന് നോക്കാം.

## Article Content

**( **[www.truevisionnews.com]** )** നമ്മുടെ അടുക്കളകൾ പലപ്പോഴും വെറും പാചക ഇടങ്ങൾക്കപ്പുറം, പുതിയ രുചിക്കൂട്ടുകൾ കണ്ടെത്താനുള്ള പരീക്ഷണശാലകളാണ്. പ്രത്യേകിച്ച് കുട്ടികളെ ആകർഷിക്കുന്ന വിഭവങ്ങൾ ഉണ്ടാക്കുമ്പോൾ ഈ പരീക്ഷണങ്ങൾ കൂടുതൽ രസകരമാകാറുണ്ട്. അങ്ങനെയൊരു പരീക്ഷണത്തിലൂടെ നാവിലെ രുചിമുകുളങ്ങളെ ഉണർത്തുന്ന, കുട്ടികൾക്ക് ഏറെ ഇഷ്ടപ്പെടുന്ന ഒരു സ്നാക്‌സാണ് എഗ്ഗ് ലോലിപോപ്പ്. ഉണ്ടാക്കാൻ എളുപ്പമുള്ള ഈ വിഭവം എങ്ങനെ തയ്യാറാക്കാമെന്ന് നോക്കാം.

രണ്ട് പുഴുങ്ങിയ മുട്ടയെടുത്ത് ഗ്രേറ്റ് ചെയ്യുക. അതിലേക്ക് ചെറുതായി അരിഞ്ഞ സവാളയും രണ്ട് പച്ചമുളകും ചേർക്കുക. വെളുത്തുള്ളിയും ഇഞ്ചിയും അരച്ചെടുത്തത് അര ടീസ്പൂൺ ചേർക്കാം. പിന്നീട് ചേർക്കുന്നത് മസാലക്കൂട്ടുകളാണ്: പെരുംജീരകപ്പൊടി, ചതച്ചെടുത്ത വറ്റൽ മുളക്, മല്ലിപ്പൊടി എന്നിവയെല്ലാം അര ടീസ്പൂൺ വീതം മതി.

ഇതിലേക്ക് ആവശ്യമായ ഉപ്പും കാൽ കപ്പ് മൈദപ്പൊടിയും ചേർത്ത് നന്നായി കുഴച്ച് ചെറിയ ബോൾ രൂപത്തിലാക്കിയെടുക്കുക. ഒരു പാത്രത്തിൽ മുട്ടയുടെ വെള്ള മാത്രം എടുത്ത് അതിലേക്ക് കാൽ ടീസ്പൂൺ ഗരം മസാലപ്പൊടിയും ചേർത്ത് നന്നായി ഇളക്കി യോജിപ്പിക്കുക. ഈ എഗ്ഗ് ബോൾസ് എടുത്ത് അതിൽ മുക്കിയെടുക്കുക, എന്നിട്ട് ബ്രെഡ് പൊടിച്ചതിൽ പൊതിഞ്ഞെടുക്കുക.

ഇനി നമുക്ക് ഈ ബോൾസിനെ പൊരിച്ചെടുക്കാം. ഒരു പാത്രത്തിൽ വെളിച്ചെണ്ണ ഒഴിച്ച് ചൂടായതിന് ശേഷം അതിലേക്ക് തയ്യാറാക്കിവെച്ച എഗ്ഗ് ബോൾസ് ഇട്ട്, ബ്രൗൺ നിറമാകുന്നതുവരെ പൊരിച്ചെടുക്കുക. നമ്മുടെ സ്വാദിഷ്ടമായ എഗ്ഗ് ലോലിപോപ്പ് തയ്യാർ.

### Related Links & Sources
- [Original Story Source](https://truevisionnews.com/news/304612/lets-make-our-evening-tea-super-special-egg-lollipops-will-make-your-tongue-tingle)