---
title: "പാവക്ക - മാങ്ങാ തോരൻ...കയ്പ്പും പുളിയും ചേർന്നൊരു ആരോഗ്യവിരുന്ന് !ന്നാ പിന്നെ എങ്ങനാ തുടങ്ങിയാലോ..."
english_title: "Pavakka mango thoran recipe cookery "
publisher: "truevisionnews.com"
canonical_url: "https://truevisionnews.com/news/304238/pavakka-mango-thoran-recipe-cookery"
published_at: "2025-07-23T18:56:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6880e417f05da_thoran.jpg"
keywords: []
---

# പാവക്ക - മാങ്ങാ തോരൻ...കയ്പ്പും പുളിയും ചേർന്നൊരു ആരോഗ്യവിരുന്ന് !ന്നാ പിന്നെ എങ്ങനാ തുടങ്ങിയാലോ...

> **Lead Summary:** ആരോഗ്യപ്രദമായ ഭക്ഷണത്തിന് വേണ്ടി തിരയുന്നവർക്ക് പാവക്കയും പച്ചമാങ്ങയും ഒരുപാട് ഗുണങ്ങൾ വാഗ്ദാനം ചെയ്യുന്നു.പാവക്കയുടെ കയ്പ്പ് രുചിയെയും പച്ചമാങ്ങയുടെ ചെറിയ പുളിപ്പിനെയും സമന്വയിപ്പിച്ച ഒരു തോരൻ വിഭവമാണിത്.വീട്ടുകാരെ ആകർഷിക്കുന്നത്ര രുചിയോടെയും ആരോഗ്യം നിറഞ്ഞതുമായ ഈ വിഭവം ഒരിക്കൽ കഴിച്ചാൽ വീണ്ടും വീണ്ടും കഴിക്കാൻ തോന്നും.

## Article Content

ആരോഗ്യപ്രദമായ ഭക്ഷണത്തിന് വേണ്ടി തിരയുന്നവർക്ക് പാവക്കയും പച്ചമാങ്ങയും ഒരുപാട് ഗുണങ്ങൾ വാഗ്ദാനം ചെയ്യുന്നു.പാവക്കയുടെ കയ്പ്പ് രുചിയെയും പച്ചമാങ്ങയുടെ ചെറിയ പുളിപ്പിനെയും സമന്വയിപ്പിച്ച ഒരു തോരൻ വിഭവമാണിത്.വീട്ടുകാരെ ആകർഷിക്കുന്നത്ര രുചിയോടെയും ആരോഗ്യം നിറഞ്ഞതുമായ ഈ വിഭവം ഒരിക്കൽ കഴിച്ചാൽ വീണ്ടും വീണ്ടും കഴിക്കാൻ തോന്നും.

ലളിതമായ ചേരുവകൾ ചേർത്തുള്ള ഈ വിഭവം നിങ്ങൾക്ക് സ്വാദിഷ്ടമായ രുചിയും ആരോഗ്യവും നൽകുന്നു.കഞ്ഞിയോടൊപ്പമോ ചോറിനൊപ്പമോ പറ്റിയൊരു സൈഡ് ഡിഷ്‌ ആയി കഴിക്കാം. എളുപ്പത്തിൽ തയ്യാറാക്കാവുന്ന ഈ തോരൻ നിങ്ങളുടെ ദിവസേനയുള്ള ഭക്ഷണത്തിൽ പുതിയൊരു രുചിയേകും

ചേരുവകൾ

പാവക്ക -ഒരെണ്ണം ഇടത്തരം

പച്ചമാങ്ങ -ഒരെണ്ണം ചെറുത്

തേങ്ങ ചിരകിയത് -ഒരു മുറി

ജീരകം -കാൽ ടീസ്പൂൺ

പച്ചമുളക് -5 എണ്ണം നെടുകെ കീറിയത്

വെളുത്തുള്ളി -2 അല്ലി

ചെറിയ ഉള്ളി -ഒരുപിടി നെടുകെ കീറിയത്

ഇഞ്ചി -ഒരു ടീസ്പൂൺ ചെറുതായി അരിഞ്ഞത്

മുളകുപൊടി -കാൽ ടീസ്പൂൺ

മഞ്ഞൾപൊടി -അര ടീസ്പൂൺ

വെളിച്ചെണ്ണ -ആവശ്യത്തിന്

തയാറാക്കേണ്ടവിധം

പാവക്ക വൃത്തിയാക്കി നീളത്തിൽ ചെറിയ കഷണങ്ങളാക്കി മുറിച്ചുവെക്കുക. ഇതേപോലെ പച്ചമാങ്ങയും അരിഞ്ഞു​വെക്കുക. കറിച്ചട്ടിയിൽ കുറച്ച്​ വെള്ളമെടുത്ത് ഉപ്പും ചേർത്ത് ഇത് പകുതി വേവിൽ തയാറാക്കിയെടുക്കുക.ഇതിലേക്ക് തോരൻ പരുവത്തിൽ തേങ്ങ, ജീരകം, ഇഞ്ചി, വെളുത്തുള്ളി എന്നിവ ചതച്ച്ചേർക്കുക. കൂടെ പച്ചമുളക്, ഉള്ളി, മുളകുപൊടി, മഞ്ഞൾപൊടി എന്നിവ ചേർക്കാം.ഇതെല്ലാം കൂടി ചേർത്ത് ചെറിയ തീയിൽ 15 മിനിറ്റ് അടച്ചു​വെച്ച് വേവിക്കുക. വെന്ത കറിയുടെ മുകളിൽ പച്ച വെളിച്ചെണ്ണ ചേർത്ത് ഉപയോഗിക്കാം.സ്വാദിഷ്ടമായ പാവക്ക - മാങ്ങാ തോരൻ തയ്യാർ

### Related Links & Sources
- [Original Story Source](https://truevisionnews.com/news/304238/pavakka-mango-thoran-recipe-cookery)