(truevisionnews.com) ധാരാളം പ്രോട്ടീനും കാൽസ്യവും അടങ്ങിയിരിക്കുന്ന മുട്ട ആരോഗ്യത്തിന് ഏറെ ഗുണം ചെയ്യും. എന്നാൽ മുട്ട കഴിക്കാത്തവർക്കായി ബ്രെഡ് ഓംലെറ്റ് ഇങ്ങനെ തയ്യാറാക്കി നോക്കൂ...
ചേരുവകൾ
.gif)
തൈര്- 1 കപ്പ്
കടലമാവ്- 3 ടേബിൾസ്പൂൺ
മുളുകുപൊടി- 1 ടീസ്പൂൺ
മഞ്ഞൾപ്പൊടി- 1 ടീസ്പൂൺ
ജീരകപ്പൊടി- 1 ടീസ്പൂൺ
ഉപ്പ്- ആവശ്യത്തിന്
സവാള- 1
ഇഞ്ചി- 1 ഇഞ്ച്
മല്ലിയില- 2 ടേബിൾസ്പൂൺ
ബ്രെഡ്
നെയ്യ്
തയാറാക്കുന്ന വിധം
ഒരു ബൗളിലേക്ക് ഒരു കപ്പ് തൈര് ചേർക്കുക.
അതിലേക്ക് മൂന്ന് ടേബിൾസ്പൂൺ, 1 ടീസ്പൂൺ മുളകുപൊടിയും, 1 ടീസ്പൂൺ മഞ്ഞൾപ്പൊടിയും, 1 ടീസ്പൂൺ ജീരകപൊടിയും ചേർക്കുക. നന്നായി ഇളക്കി യോജിപ്പിക്കുക.
ഒരു ചെറിയ കഷ്ണം ഇഞ്ചി ചെറുതായി അരിഞ്ഞത്, ഇടത്തരം വലിപ്പമുള്ള സവാള അരിഞ്ഞത്, മല്ലിയില അരിഞ്ഞത് 2 ടേബിൾസ്പൂൺ തുടങ്ങിയവ ചേർത്തു നന്നായി ഇളക്കുക.
ഒരു ബ്രെഡ് എടുത്ത് മുകളിലായി ഈ മിശ്രിതം പുരട്ടുക. ഒരു പാൻ അടുപ്പിൽ വച്ച് ചൂടാക്കി അൽപ്പം നെയ്യോ എണ്ണയോ പുരട്ടുക.
ബ്രെഡിൻ്റെ മിശ്രിതം പുരട്ടിയ വശം അതിലേക്കു വച്ച് വേവിക്കുക. ബ്രെഡിൻ്റെ മറ്റേ വശത്തും അത് പുരട്ടുക.
ബ്രെഡിൻ്റെ രണ്ടു വശങ്ങളും വേവിച്ചെടുക്കുക.അൽപ്പം കുരുമുളകുപൊടിയോ, ചാട്മസാലയോ മുകളിലായി ചേർക്കുക. ശേഷം ചൂടോടെ തന്നെ കഴിച്ചു നോക്കൂ.
#making #bread #omelette #without #egg
