നൊന്ത് പ്രസവിച്ചതല്ലേ എന്നിട്ടും.....! ചേർത്തലയിൽ അഞ്ച് വയസുകാരനെ ക്രൂരമായി മർദ്ദിച്ച അമ്മയ്ക്കും അമ്മൂമ്മയ്ക്കുമെതിരെ കേസെടുത്ത് പൊലീസ്

ആലപ്പുഴ : ( www.truevisionnews.com ) ചേർത്തലയിൽ അഞ്ച് വയസുകാരന് മർദ്ദിച്ച അമ്മയ്ക്കും അമ്മൂമ്മയ്ക്കുമെതിരെ കേസെടുത്ത് പൊലീസ്.കുട്ടിയെ ശിശുക്ഷേമ സമിതി ഏറ്റെടുത്തു. ഇന്നലെ കുട്ടി പഠിക്കുന്ന സ്‌കൂളിലെ പിടിഎ പ്രസിഡന്റ് ചായക്കടയിലെത്തിയപ്പോഴാണ് പരുക്കുകളോടെയിരിക്കുന്ന കുട്ടിയെ കണ്ടത്. തുടർന്ന് കുട്ടിയുമായി ഇദ്ദേഹം വിശദമായി സംസാരിച്ചു. അതിലാണ് മർദ്ദന വിവരങ്ങൾ പുറത്ത് വന്നത്. അമ്മയും അമ്മൂമ്മയും ചേർന്ന് കുട്ടിയെ ക്രൂരമയായി മർദ്ദിക്കുകയായിരുന്നു. ഉടൻ തന്നെ പൊലീസിനെ വിവരമറിയിച്ചു.

തുടർന്ന് കുട്ടിയെ ശിശുക്ഷേമ സമിതി ഏറ്റെടുക്കുകയായിരുന്നു. കുഞ്ഞിന്റെ മുഖത്തും കഴുത്തിലും മുറിവുകൾ. നേരത്തെ കുട്ടിയെ രണ്ടാനച്ഛൻ ഉപദ്രവിച്ചുവെന്നും പരാതിയുണ്ടായിരുന്നു. തുടർന്ന് പിടിഎ തന്നെ ഇടപെട്ട് വിഷയത്തിൽ പരാതി നൽകി. രണ്ടാനച്ഛനെ പൊലീസ് പിടികൂടി. റിമാൻഡിൽ കഴിയവേ ഇയാളെ മരിച്ച നിലയിൽ കണ്ടെത്തുകയായിരുന്നു.

Also read: കടം വാങ്ങിയ പണം തിരികെ നല്‍കിയില്ല, സുഹൃത്തുക്കളെ തട്ടിക്കൊണ്ടുപോയി ഓറല്‍ സെക്സ് ചെയ്യിച്ച്‌ വിഡിയോ ചിത്രീകരിച്ചു; ക്രൂരം

കുട്ടികളോടുള്ള ക്രൂരത: നിയമനടപടികൾ

ഇന്ത്യൻ നിയമവ്യവസ്ഥ കുട്ടികളുടെ സംരക്ഷണത്തിന് വലിയ പ്രാധാന്യം നൽകുന്നുണ്ട്. കുട്ടികൾക്കെതിരായ അതിക്രമങ്ങൾ തടയുന്നതിനും കുറ്റക്കാർക്ക് ശിക്ഷ ഉറപ്പാക്കുന്നതിനും നിരവധി നിയമങ്ങൾ നിലവിലുണ്ട്. പ്രധാനപ്പെട്ട ചില നിയമങ്ങൾ ഇവയാണ്:

പോക്സോ നിയമം (POCSO Act - Protection of Children from Sexual Offences Act, 2012): ലൈംഗിക അതിക്രമങ്ങളിൽ നിന്ന് കുട്ടികളെ സംരക്ഷിക്കുന്നതിനുള്ള ശക്തമായ നിയമമാണിത്. ലൈംഗിക പീഡനം, ലൈംഗിക അതിക്രമം, അശ്ലീലചിത്രീകരണം തുടങ്ങിയ കുറ്റകൃത്യങ്ങൾക്ക് ഈ നിയമപ്രകാരം കഠിനമായ ശിക്ഷകൾ ലഭിക്കും. ഏതെങ്കിലും കുട്ടികൾക്കെതിരെ ലൈംഗിക കുറ്റകൃത്യം നടന്നതായി മനസ്സിലാക്കിയാൽ അത് പോലീസിനെ അറിയിക്കേണ്ടത് ഓരോ വ്യക്തിയുടെയും നിയമപരമായ ബാധ്യതയാണ്.

Also read: നിർമാണത്തിലിരിക്കുന്ന വീടിന്റെ സൺഷെയ്ഡ് തകർന്ന് കോഴിക്കോട് കുന്നുമ്മൽ ഒരാൾ മരിച്ചു

ബാലനീതി നിയമം (Juvenile Justice (Care and Protection of Children) Act, 2015): കുട്ടികളുടെ സംരക്ഷണം, പരിചരണം, പുനരധിവാസം എന്നിവ ഉറപ്പാക്കുന്നതിനുള്ള നിയമമാണിത്. കുട്ടികളെ ഉപദ്രവിക്കുന്നത്, അവഗണിക്കുന്നത്, ഭിക്ഷാടനത്തിന് ഉപയോഗിക്കുന്നത്, ലഹരിവസ്തുക്കൾ നൽകുന്നത് തുടങ്ങിയ കുറ്റകൃത്യങ്ങൾക്ക് ഈ നിയമത്തിലെ വകുപ്പ് 23 പ്രകാരം ശിക്ഷ ലഭിക്കാം. ഈ നിയമപ്രകാരം കുട്ടികളുടെ കാര്യത്തിൽ പ്രത്യേക ബോർഡുകളും നിരീക്ഷണ ഗൃഹങ്ങളും സ്ഥാപിക്കാൻ നിർദ്ദേശിക്കുന്നുണ്ട്.

വിദ്യാഭ്യാസ അവകാശ നിയമം (Right to Education Act, 2009): 6 മുതൽ 14 വയസ്സുവരെയുള്ള എല്ലാ കുട്ടികൾക്കും സൗജന്യവും നിർബന്ധിതവുമായ വിദ്യാഭ്യാസം ഉറപ്പാക്കുന്ന നിയമമാണിത്.

തൊഴിൽ നിയമങ്ങൾ: കുട്ടികളെ അപകടകരമായ തൊഴിലുകളിൽ ഏർപ്പെടുത്തുന്നത് നിയമപ്രകാരം തടയുന്നു.

Police file case against mother and grandmother for brutally beating five-year-old boy