---
title: "#Keralaschoolkalolsavam2025 | ദേവഗംഗ ചുവടുവെച്ചപ്പോൾ പ്രമോദിന്റെ  സങ്കടങ്ങൾ സന്തോഷമായി"
english_title: "#Pramods #sorrows #turned #joy #Devganga #stepped"
publisher: "truevisionnews.com"
canonical_url: "https://truevisionnews.com/news/261564/pramods-sorrows-turned-joy-devganga-stepped"
published_at: "2025-01-06T19:38:00+05:30"
category: "Kerala School Kalolsavam 2025"
language: "ml"
image: "https://cf.zdn.im/img/truevisionnews.com/0/image-uploads/677be4a3751d1_deva_ganaga.jpg"
keywords: []
---

# #Keralaschoolkalolsavam2025 | ദേവഗംഗ ചുവടുവെച്ചപ്പോൾ പ്രമോദിന്റെ  സങ്കടങ്ങൾ സന്തോഷമായി

> **Lead Summary:** > **തിരുവനന്തപുരം: ** "ഞങ്ങൾ സാധാരണക്കാർക്ക് ഇതൊക്കെ വലിയ പാടാ, എന്നാലും മക്കളുടെ ആഗ്രഹങ്ങളല്ലേ, സാമ്പത്തിക പ്രയാസങ്ങളിൽ കീഴടങ്ങാതെ ആശാരിപ്പണിക്കാരനായ പ്രമോദ് കൊത്തി മിനുക്കിയത് മകളുടെ സ്വപ്നങ്ങൾ.

## Article Content

> **തിരുവനന്തപുരം: ** "ഞങ്ങൾ സാധാരണക്കാർക്ക് ഇതൊക്കെ വലിയ പാടാ, എന്നാലും മക്കളുടെ ആഗ്രഹങ്ങളല്ലേ, സാമ്പത്തിക പ്രയാസങ്ങളിൽ കീഴടങ്ങാതെ ആശാരിപ്പണിക്കാരനായ പ്രമോദ് കൊത്തി മിനുക്കിയത് മകളുടെ സ്വപ്നങ്ങൾ.

സംസ്ഥാന സ്കൂൾ കലോത്സവത്തിൽ ഹയർസെക്കണ്ടറി വിഭാഗം കുച്ചിപ്പുടി മത്സരത്തിൽ എ ഗ്രേഡോടെ ദേവഗംഗ പ്രമോദ് വിജയിച്ചപ്പോൾ കുടുംബത്തിന് കണ്ണീർ ആനന്ദം.

കണ്ണൂർ പെരളശ്ശേരി എ കെ ജി സ്മാരക ഗവ. എച്ച്എച്ച്എസ് പ്ലസ് വൺ വിദ്യാർത്ഥിനിയാണ് ഈ മിടുക്കി.

ഒൻപതാം തരം മുതൽ സംസ്ഥാന കലോത്സവ വേദിയിൽ എത്തിക്കാൻ ഈ സാധാരണ കുടുംബത്തിന് കഴിഞ്ഞത് ഒരു ഇച്ഛാശക്തിയുടെ ബലത്തിലാണ്.

ഇത് മൂന്നാം വിജയമാണ് ദേവഗംഗയ്ക്ക്. മാഹികലൈമാമണി കലാക്ഷേത്രത്തിലെ പ്രിയ രജ്ജിത്ത് ആണ് ഗുരു.

ആറ് വർഷമായി ഇവരുടെ കീഴിലാണ് പരിശീലനം. കൊല്ലത്ത് കഴിഞ്ഞ വർഷം നടന്ന കലോത്സവത്തിൽ ഭരതനാട്ട്യത്തിൽ സംസ്ഥാന തലത്തിൽ എ ഗ്രേഡ് നേടി.

കോഴിക്കോട് കലോത്സവത്തിലും കുച്ചിപ്പുടി എഗ്രേഡായിരുന്നു. സുബിഷയാണ് അമ്മ , മൂന്നാം ക്ലാസുകാരി ജാനവിയാണ് സഹോദരി.

### Related Links & Sources
- [Original Story Source](https://truevisionnews.com/news/261564/pramods-sorrows-turned-joy-devganga-stepped)