(truevisionnews.com) കാരറ്റ് കൊണ്ട് പലതരത്തിലുള്ള വിഭവങ്ങൾ ഉണ്ടാക്കാറുണ്ട്. കാരറ്റ് കേക്ക്, കാരറ്റ് പായസം, കാരറ്റ് പുഡ്ഡിംഗ് എന്നിങ്ങനെ നിരവധി വിഭവങ്ങളുണ്ട്. വളരെ എളുപ്പം ഉണ്ടാക്കാൻ പറ്റുന്ന വിഭവമാണ് 'കാരറ്റ് ഹൽവ'. സ്വാദൂറും കാരറ്റ് ഹൽവ ഉണ്ടാക്കുന്നത് എങ്ങനെയെന്ന് നോക്കിയാലോ...
ചേരുവകൾ
കാരറ്റ് - 1 കിലോ
പഞ്ചസാര - 200 ഗ്രാം
പാൽ - 250 മില്ലി ലിറ്റർ
നെയ്യ് - 3 ടേബിൾസ്പൂൺ
ഏലയ്ക്ക പൊടിച്ചത് - കാൽ ടീസ്പൂൺ
കശുവണ്ടിപ്പരിപ്പ് - 8 എണ്ണം
ബദാം - 8 എണ്ണം
പിസ്ത - 8 എണ്ണം
തയ്യാറാക്കുന്ന വിധം
ആദ്യം ഒരു പാത്രത്തിൽ നെയ്യൊഴിച്ച് ചൂടാകുമ്പോൾ കാരറ്റ് ചേർത്ത് ചെറുതീയിൽ മൂടിവച്ച് 20 മിനിറ്റ് വേവിക്കുക. ഇടയ്ക്ക് ഇളക്കിക്കൊടുക്കണം.
കാരറ്റ് നന്നായി വെന്തതിനു ശേഷം മൂടിവയ്ക്കാതെ നന്നായി ഇളക്കി വെള്ളമുണ്ടെങ്കിൽ വറ്റിച്ചെടുക്കുക. ഇതിലേക്ക് പാലൊഴിച്ച് നന്നായി ഇളക്കി മൂടിവച്ച് വേവിക്കുക.
പത്ത് മിനിറ്റ് കഴിയുമ്പോൾ മൂടി തുറന്ന് നന്നായി ഇളക്കി വെള്ളം ബാക്കിയുണ്ടെങ്കിൽ വറ്റിച്ചെടുക്കുക. ഇതിലേക്ക് പഞ്ചസാര ചേർത്ത് ഇളക്കി നന്നായി വഴറ്റിയെടുക്കുക.
ശേഷം പഞ്ചസാര അലിഞ്ഞ് പാത്രത്തിന്റെ വശങ്ങളിൽ നിന്ന് വിട്ടുവരുന്ന പരുവം ആകുമ്പോൾ ചെറുതായി നുറുക്കി നെയ്യിൽ വറുത്ത നട്‌സ് ചേർത്തിളക്കി യോജിപ്പിക്കുക. ശേഷം ഏലയ്ക്ക പൊടി വിതറാവുന്നതാണ്.
#carrot #sitting #prepare #carrothalwa
.jpeg)
