---
title: "പൊന്നിൻ വസന്തം....! ആകാശം മുട്ടിനിൽക്കുന്ന പൊന്മുടിക്കോട്ടയിലേക്ക് യാത്ര തിരിച്ചാലോ?"
english_title: "Ponmudikotta wayanad tourism travel "
publisher: "truevisionnews.com"
canonical_url: "https://truevisionnews.com/news/302318/ponmudikotta-wayanad-tourism-travel"
published_at: "2025-07-13T17:44:00+05:30"
category: "Travel"
language: "ml"
image: "https://cf.zdn.im/img/truevisionnews.com/0/image-uploads/6873a325f0030_ponmudikkotta.jpg"
keywords: []
---

# പൊന്നിൻ വസന്തം....! ആകാശം മുട്ടിനിൽക്കുന്ന പൊന്മുടിക്കോട്ടയിലേക്ക് യാത്ര തിരിച്ചാലോ?

> **Lead Summary:** വിഷമങ്ങൾ അകറ്റാനുള്ള ഒരു മരുന്നാണ് യാത്ര. കണ്ണിനെ ഈറനണിയിക്കുന്ന ഒരു യാത്ര പോയാലോ? അധികം ദൂരമൊന്നും പോണ്ട, വയനാട്ടിലേക്ക് ചുരം കയറിയാൽ മാത്രം മതി. പച്ചപ്പു നിറഞ്ഞ വനങ്ങളാലും കുന്നുകളാലും ചുറ്റപ്പെട്ട പൊന്മുടിക്കോട്ട സഞ്ചാരികളെ സ്വാഗതം ചെയ്യും.

## Article Content

വിഷമങ്ങൾ അകറ്റാനുള്ള ഒരു മരുന്നാണ് യാത്ര. കണ്ണിനെ ഈറനണിയിക്കുന്ന ഒരു യാത്ര പോയാലോ? അധികം ദൂരമൊന്നും പോണ്ട, വയനാട്ടിലേക്ക് ചുരം കയറിയാൽ മാത്രം മതി. പച്ചപ്പു നിറഞ്ഞ വനങ്ങളാലും കുന്നുകളാലും ചുറ്റപ്പെട്ട പൊന്മുടിക്കോട്ട സഞ്ചാരികളെ സ്വാഗതം ചെയ്യും.

വയനാടിന്റെ ഭംഗി പൂർണമാകുന്നത് പൊന്മുടിക്കോട്ട എന്ന അത്ഭുതം കാണുമ്പോഴാണ്.താഴ്‌വരകൾ ചുറ്റുമുള്ള ഭൂപ്രകൃതിയുടെ അതിമനോഹരമായ കാഴ്ചകൾ കോട്ടയിൽ നിന്ന് സമ്മാനിക്കും.പൊന്മുടി കോടമഞ്ഞും, പച്ചപ്പ് നിറഞ്ഞ താഴ്വരകളും, തേയിലത്തോട്ടങ്ങളും, നദികളും വെള്ളച്ചാട്ടങ്ങളും കൊണ്ട് സമ്പന്നമാണ്. 'സുവർണ്ണ കൊടുമുടി' എന്നും പൊന്മുടിക്കോട്ട അറിയപ്പെടുന്നു. പശ്ചിമഘട്ടത്തിന്റെ ഭാഗമായ ഇവിടം സമുദ്രനിരപ്പിൽ നിന്ന് ഏകദേശം 1,100 മീറ്റർ ഉയരത്തിലാണ്.

പഴശ്ശി രാജവംശത്തിലെ ഭരണാധികാരികൾ നിർമ്മിച്ചതെന്ന് വിശ്വസിക്കപ്പെടുന്ന ഒരു പുരാതന കോട്ടയാണിത്. കോട്ടയുടെ ചുവരുകളും ഘടനകളും കല്ലുകൊണ്ട് നിർമ്മിച്ചതാണ്, ഇത് പരമ്പരാഗത കേരള വാസ്തുവിദ്യയെ പ്രതിഫലിപ്പിക്കുന്നു. പൊന്മുടി കോട്ട ഒരു പ്രധാന ചരിത്ര സ്ഥലമായതിനാൽ , ഇത് പ്രദേശത്തിന്റെ സമ്പന്നമായ സാംസ്കാരിക പൈതൃകത്തെയും ബ്രിട്ടീഷ് കൊളോണിയൽ ഭരണത്തിനെതിരായ ചെറുത്തുനിൽപ്പിനെയും പ്രതിഫലിപ്പിക്കുന്നു.

പൊന്മുടി കോട്ട മലകേറി ലക്ഷ്യ സ്ഥാനത്തിനെത്തിയാൽ കാഴ്ച വിരുന്നാണ് പൊന്മുടി ആസ്വാദകർക്ക് സമ്മാനിക്കുന്നത് . അവിടെനിന്ന് കാരാപ്പുഴ വ്യൂ പോയിന്റൻ കാണുവാൻ എത്തുന്ന ആളുകളുടെ എണ്ണം ചെറുതൊന്നുമല്ല .എടക്കൽ ഗുഹയുടെ എറ്റവും മുകളിലാണ് പൊന്മുടിക്കോട്ട സ്ഥിതിചെയ്യുന്നത്‌.

ട്രെക്കിംഗ്, പ്രകൃതി ആസ്വദിക്കാനും പറ്റിയ ഒരിടമാണിത്. എക്കോ പോയിന്റ്, ഗോൾഡൻ വാലി, പെപ്പാര വന്യജീവി സങ്കേതം, മീൻമുട്ടി വെള്ളച്ചാട്ടം എന്നിവ ഇവിടുത്തെ പ്രധാന ആകർഷണങ്ങളാണ്.

അക്കരെ ഇക്കരെയുള്ള പാറക്കെട്ടുകളുടെ സംഗമവും ഇവിടുത്തെ മറ്റൊരു സവിശേഷതയാണ് .ഒക്ടോബർ മുതൽ മെയ് വരെയാണ് സന്ദർശിക്കാൻ ഏറ്റവും അനുയോജ്യമായ സമയം, സുഖകരമായ കാലാവസ്ഥയും കുറഞ്ഞ മഴയും. പ്രാദേശിക സസ്യജന്തുജാലങ്ങളെയും അവിടെ കാണാം അതിശയിപ്പിക്കുന്ന കാഴ്ചകൾ കൊണ്ട് വിസ്മയിപ്പിക്കുകയാണിവിടം.

### Related Links & Sources
- [Original Story Source](https://truevisionnews.com/news/302318/ponmudikotta-wayanad-tourism-travel)