ഒന്നും വേണ്ടിയിരുന്നില്ല ....; മോഷണക്കേസ് പ്രതിയെ ചെരുപ്പ് മാലയിട്ട് പൊലീസ് വാഹനത്തിൻ്റെ ബോണറ്റിൽ ഇരുത്തി നാടുചുറ്റിച്ചു; അന്വേഷണം

ശ്രിനഗർ: (truevisionnews.com) മോഷണക്കേസ് പ്രതിയെ ചെരുപ്പുമാല അണിയിച്ച് നാട് ചുറ്റിച്ച സംഭവത്തിൽ പൊലീസ് ഉദ്യോഗസ്ഥർക്ക് എതിരെ അന്വേഷണം. ജമ്മു കശ്മീരിലെ ബക്ഷി നഗറിൽ  കഴിഞ്ഞ ദിവസമായിരുന്നു സംഭവം. മോഷണക്കേസ് പ്രതിയുടെ ഷർട്ട് ഊരി മാറ്റിയ ശേഷം ചെരുപ്പ് മാല അണിയിച്ച് പ്രതിയെ പൊലീസ് വാഹനത്തിന്റെ ബോണറ്റിൽ ഇരുത്തുകയായിരുന്നു.

കൈ പിന്നിൽ കെട്ടിയ പ്രതിയെ പിന്നീട് പൊലീസ് വാഹനത്തിൻ്റെ ബോണറ്റിൽ ഇരുത്തി നാട് ചുറ്റിക്കുകയായിരുന്നു. ഈ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. ഇതേത്തുട‍ന്ന് പൊലീസ് സേനയുടെ ഭാ​ഗത്ത് നിന്നുണ്ടായ അച്ചടക്ക ലംഘനത്തിൽ വകുപ്പ് തല അന്വേഷണത്തിന് ജമ്മു സീനിയർ പൊലീസ് സൂപ്രണ്ട് ജോഗീന്ദർ സിംഗ് ഉത്തരവിട്ടു. പിടിയിലായ യുവാവ് മറ്റ് നിരവധി കേസുകളിൽ പ്രതിയാണെന്നും പൊലീസ് കണ്ടെത്തി.

Also read: വീണ്ടും വർഗീയ പ്രസ്താവന, 'രാജ്യത്തെ നശിപ്പിച്ച ഒന്നാംപ്രതി നെഹ്റു എന്ന മുസൽമാനാണ്'; കേസെടുക്കാൻ മുഖ്യമന്ത്രിയെ വെല്ലുവിളിച്ച് പി.സി.ജോർജ്

അതേസമയം പൊലീസ് ഉദ്യോഗസ്ഥരുടെ നടപടി അച്ചടക്ക ലംഘനം ആണെന്നുള്ള വിമ‍ർശനം പല കോണിൽ നിന്നും ഉയ‍ന്നതോടെ സംഭവിച്ചത് എന്താണെന്ന് അന്വേഷിച്ച് ഒരാഴ്ചയ്ക്കുള്ളിൽ റിപ്പോ‍ർട്ട് സമ‍ർപ്പിക്കണമെന്നും പൊലീസ് ഉത്തരവിൽ വ്യക്തമാക്കിയിട്ടുണ്ട്.

Also read: 'രാജ്ഭവനിലെ പരിപാടികൾക്ക് ഔദ്യോഗിക ചിഹ്നങ്ങൾ ഉപയോഗിക്കണം'; ഗവർണർക്ക് മുഖ്യമന്ത്രി കത്ത് നൽകും

investigation underway against police officers theft suspect paraded around country wearing garland sandals.