പേരാമ്പ്ര : (truevisionnews.com)ഹോണ്‍ മുഴക്കി അമിത വേഗത്തില്‍ തെറ്റായ ദിശയില്‍ എത്തി കുട്ടികളെ ഇടിക്കാന്‍ നോക്കിയ ബസ് വിദ്യാര്‍ത്ഥികള്‍ തടഞ്ഞു. പേരാമ്പ്ര ബസ് സ്റ്റാന്‍ഡില്‍ ഇന്ന് വൈകിട്ടായിരുന്നു സംഭവം. കോഴിക്കോട് കുറ്റ്യാടി റോഡില്‍ ഓടുന്ന സിഗ്മ ബസ് പേരാമ്പ്ര ഡിഗ്‌നിറ്റി കോളജിന് സമീപം കുട്ടികളെ ഇടിക്കാന്‍ നോക്കിയതാണ് ബസ് തടയാൻ കാരണമായത്.
ബസ് വിദ്യാര്‍ത്ഥികള്‍ ഒച്ച വച്ചിട്ടും നിര്‍ത്താതെ പോവുകയും ഡ്രൈവര്‍ കുട്ടികളെ ചീത്ത വിളിച്ചതായും പറയുന്നു. സംഭവം നടന്ന് ബസ് സ്റ്റാന്‍ഡില്‍ എത്തിയപ്പോഴേക്കും ബസ്സിന്റെ പിറകെ വിദ്യാര്‍ത്ഥികള്‍ കൂട്ടത്തോടെ എത്തി ബസ് തടയുകയായിരുന്നു.
.gif)
അതിനു മുന്‍പ് ബസ് വെള്ളിയൂര്‍, ചാലിക്കര, മുളിയങ്ങല്‍ അടക്കമുള്ള സ്ഥലങ്ങളില്‍ നിന്നും ബസ് തട്ടാന്‍ ശ്രമിച്ച വാഹനങ്ങളിലെ ആളുകളും ബസിന്റെ പിറകെ പേരാമ്പ്ര സ്റ്റാന്‍ഡില്‍ എത്തിയിരുന്നു. അവരും വിദ്യാര്‍ത്ഥികള്‍ക്ക് ഒപ്പം ചേര്‍ന്നാണ് ബസിനെ തടഞ്ഞു വച്ച് പൊലീസിനെ ഏല്‍പിച്ചത്.
Students block Sigma bus running Kuttiadi Road Kozhikode
.jpg)