മലപ്പുറം : (truevisionnews.com) മുൻ എംഎൽഎ പി വി അൻവർ നിലമ്പൂരിൽ വീണ്ടും മത്സരിക്കാനുള്ള സാധ്യത ഏറി. മത്സര സന്നദ്ധത തൃണമൂൽ കോൺഗ്രസ് നേതൃത്വത്തെ അറിയിച്ചു.
ഇന്ന് വൈകിട്ട് തൃണമൂൽ കോൺഗ്രസ് പ്രവർത്തക സമിതി യോഗം മഞ്ചേരിയിൽ ചേരും. പ്രചാരണത്തിന് തൃണമൂൽ കോൺഗ്രസിൻ്റെ ഉന്നത നേതൃത്വത്തെ എത്തിക്കാനുള്ള ശ്രമവും ആരംഭിച്ചിട്ടുണ്ട്. നിലമ്പൂരിൻ്റെ സുൽത്താൻ അൻവർ മത്സരിക്കട്ടെ എന്ന പ്രചാരണം അനുഭവികൾ തുടക്കമിട്ടിട്ടുണ്ട്. കെസി വേണുഗോപാലുമായുള്ള ചർച്ച നടക്കാതെ പോയതാണ് അൻവറിനെ പ്രകോപിപ്പിച്ചത്.
.gif)
കഴിഞ്ഞ ദിവസം എഐസിസി ജനറല്‍ സെക്രട്ടറി കെ സി വേണുഗോപാല്‍ അന്‍വറുമായി കൂടിക്കാഴ്ച നടത്തുമെന്ന തരത്തിലുള്ള വാര്‍ത്തകളുണ്ടായിരുന്നെങ്കിലും വേണുഗോപാല്‍ കൂടിക്കാഴ്ചയ്ക്ക് തയ്യാറായില്ല. അന്‍വറിനെ താന്‍ കാണുമെന്ന് ആര് പറഞ്ഞെന്ന് കെ സി വേണുഗോപാല്‍ ചോദിച്ചിരുന്നു. ഒരു കൂടിക്കാഴ്ച്ചയും ആരും തീരുമാനിച്ചിട്ടുമില്ല, തന്നോട് പറഞ്ഞിട്ടുമില്ല.
എല്ലാം ഭാവന സൃഷ്ടികള്‍ മാത്രമാണെന്നും വേണുഗോപാല്‍ പറഞ്ഞിരുന്നു. കേരളത്തിലെ കൊള്ളാവുന്ന നേതൃത്വം വിഷയം ചര്‍ച്ച ചെയ്ത് പരിഹരിക്കുമെന്നായിരുന്നു വേണുഗോപാല്‍ പ്രതികരിച്ചത്. എന്നാല്‍ കെ സി വേണുഗോപാല്‍ കൂടിക്കാഴ്ച റദ്ദാക്കിയത് അവസാന നിമിഷമാണെന്നായിരുന്നു പി വി അന്‍വര്‍ പറഞ്ഞത്.
PVAnwar contest again from Nilambur?
