പാലക്കാട്: (truevisionnews.com) ചൊവ്വാഴ്ച രാത്രി യാക്കരയിലുണ്ടായ അപകടത്തിൽ മരിച്ച അബ്ദുൾറഹ്മാന്റെ വേർപാടിൽ ഞെട്ടി നാട് . വിവാഹത്തിന് ഒരുമാസം ബാക്കി നിൽക്കെയാണ് ദാരുണാന്ത്യം ഉണ്ടായത് . കന്നിമാരി നന്ദിയോട് സ്വദേശി അബ്ദുൾറഹ്മാൻ വടക്കഞ്ചേരിയിലെ സൂപ്പർമാർക്കറ്റിൽ ജീവനക്കാരനായിരുന്നു.
ജോലി ചെയ്യുന്നിടത്തായിരുന്നു ഇയാൾ താമസിച്ചിരുന്നത്. ചൊവ്വാഴ്ച ജോലി കഴിഞ്ഞ് വീട്ടിലേക്ക് വരുംവഴിയാണ് അപകടമുണ്ടായത്. വരുന്ന മേയ് 15-ന് ഇയാളുടെ വിവാഹം നിശ്ചയിച്ചിരിക്കുകയാണ്.
കാറിന് പിന്നിൽ ബൈക്കിടിച്ചായിരുന്നു അപകടം. വിശ്വേശ്വര ക്ഷേത്രത്തിലേക്കുള്ള വഴിക്കുസമീപത്തായിരുന്നു അപകടം. കാർ റോഡിൽനിന്ന് തിരിഞ്ഞുപോകുന്നതിനിടെ, നിയന്ത്രണംവിട്ട ബൈക്ക് പിന്നിൽ വന്നിടിക്കുകയായിരുന്നു.
ഇടിയുടെ ആഘാതത്തിൽ ബൈക്ക് സമീപത്തെ മുന്നറിയിപ്പു ബോർഡുകളിലും ഫ്ളക്സ് ബോർഡിലും ഇടിച്ചതായി നാട്ടുകാർ പറഞ്ഞു. അബ്ദുൾറഹ്മാൻ സംഭവസ്ഥലത്തുതന്നെ മരിച്ചു. പാലക്കാട് ടൗൺ സൗത്ത് പോലീസ് സ്ഥലത്തെത്തി. മൃതദേഹം ജില്ലാ ആശുപത്രിയിലേക്ക് മാറ്റി.
#AbdulRahman's #death #comes #just #month #before #wedding #leaving #nation ##shocked #his #separation
.jpg)
