ചങ്ങരംകുളം: (www.truevisionnews.com) മൂന്നാറിൽ നിയന്ത്രണം വിട്ട സ്കൂട്ടർ കൊക്കയിലേക്ക് വീണ് ചങ്ങരംകുളം സ്വദേശിയായ യുവാവ് മരിച്ചു. കക്കിടിപ്പുറം കെവിയുപി സ്കൂളിനു സമീപം പാലത്തിങ്കൽ അബ്ദുൽ ശരീഫ് - റസിയ ദമ്പതികളുടെ മകൻ റാഷിദ് (18)ആണ് മരിച്ചത്.
കൂടെയുള്ള എടപ്പാൾ സ്വദേശി സുവിത്തിന്‌ (18) പരിക്കേറ്റു. ഞായറാഴ്ച പകൽ 2.30 ഓടെയാണ് അപകടം. മൂന്നാർ ഗ്യാപ്റോഡ് ബൈസൺ വാലി റൂട്ടിൽ വച്ച് നിയന്ത്രണം വിട്ട് സ്കൂട്ടർ താഴ്ചയിലേക്ക് മറിയുകയായിരുന്നു.
.gif)
റാഷിദ് സംഭവസ്ഥലത്ത് തന്നെ മരണപ്പെട്ടു. പരിക്കേറ്റ സുവിത്തിനെ അടിമാലി താലൂക്ക് ആശുപത്രിയിലും പിന്നീട് രാത്രിയോടെ കുന്നംകുളത്തെ സ്വകാര്യ ആശുപത്രിയിലേക്കും മാറ്റുകയായിരുന്നു.
സുഹൃത്തുക്കളൊന്നിച്ച് ആറംഗ സംഘം മൂന്നു ബൈക്കുകളിലാണ് വിനോദയാത്രക്ക് പോയത്. തിരിച്ചു വരുമ്പോഴാണ് അപകടം.
#outofcontrol #scooter #overturns #Koka #Munnar #year #old #dead #friend #injured
_(8).jpeg)
