നാദാപുരം(പുളിയാവ് എൻ സി എ എസ്) : ( www.truevisionnews.com) അരങ്ങിൽ ആ കുട്ടികളുടെ അവതരണം കണ്ട് സദസ്സിൽ ഉണ്ടായിരുന്നവരുടെ കണ്ണുകൾ ഈറനണിഞ്ഞു.
ഒറ്റ രാത്രി കൊണ്ട് ഉള്ള് പൊട്ടി ഒഴുകിയ ചൂരൽ മല . കേരളക്കരയുടെ നെഞ്ച് നീറിയ ഓർമ്മകൾ കലോത്സവ വേദിയിൽ വീണ്ടും നൊമ്പരമാകുന്നു.
കാലിക്കറ്റ് യൂണിവേഴ്സിറ്റി ബി - സോൺ കലോത്സവ മൂകാഭിനയ വേദികളിൽ നിറഞ്ഞ് നിന്നതും ഈ കരലലിയിപ്പിക്കുന്ന ഓർമ്മകൾ തന്നെയായിരുന്നു.
കൺമുന്നിൽ കണ്ട പ്രളയ ദുരന്തത്തിന് സമാനമായായിരുന്നു അവതരണം. മലവെള്ളപ്പാച്ചിലിൻ്റെ ഭീകരതയും ഉറ്റവരെ നഷ്ടപ്പെട്ട നോവും കണ്ടുനിന്നവരെ തീരാനോവിൻ്റെ ആഴങ്ങളിലേക്കും അവിടെ നിന്ന് അതിജീവനത്തിൻ്റെ പാതയിലേക്കും നയിച്ച ഒരോന്നും ഒപ്പിയെടുത്തായിരുന്നു അവതരണം.
നിറഞ്ഞ കയ്യടിയോടെയാണ് കുട്ടികളെ സദസ് അഭിനന്ദിച്ചത്.
#Churalmala #again #monoact
