എന്നും ഗോതമ്പ് പുട്ട് കഴിച്ച് മടുത്തോ? എങ്കിൽ ഇതൊന്ന് പരീക്ഷിച്ചു നോക്കൂ. ഡയബറ്റിസ് ഉളളവർക്ക് ആഹാരത്തിൽ ഉൾപ്പെടുത്താവുന്ന ഒരു വിഭവമാണ് റാഗി പുട്ട്. രുചികരമായ സോഫ്റ്റ് റാഗി പുട്ട് എളുപ്പം തയ്യാറാക്കാം.
ചേരുവകള്‍:
• റാഗി പൊടി - 1/2 കപ്പ്
• തേങ്ങ ചിരകിയത് -1/2 കപ്പ്
• ഉപ്പ് - ആവശ്യത്തിന്
• വെള്ളം - ആവശ്യത്തിന്
തയാറാക്കുന്ന വിധം
റാഗി നന്നായി കഴുകി തലേദിവസം രാത്രി വെള്ളത്തില്‍ കുതിര്‍ത്ത് വയ്ക്കുക. പിറ്റേദിവസം ഒന്നുകൂടി കഴുകി വെള്ളം ഊറ്റിക്കളഞ്ഞ് ഉപ്പ് ചേര്‍ത്ത് മിക്സിയില്‍ പൊടിച്ചെടുക്കുക.
ഇതിലേക്ക് കുറച്ച് കുറച്ചായി വെള്ളം ചേര്‍ത്ത് പാകത്തിന്‌ നനച്ച് 10 മിനിറ്റ് അടച്ച് മാറ്റിവയ്ക്കുക. അതിനുശേഷം തേങ്ങ ചിരകിയതും ഈ പൊടിയും കുറച്ച് കുറച്ചായി പുട്ടുകുറ്റിയിലേക്ക് ഇട്ട് കൊടുത്ത് ആവിയില്‍ വേവിച്ചാല്‍ ഹെല്‍ത്തിയും സോഫ്റ്റുമായ റാഗി പുട്ട് റെഡി!
#Lets #prepare #soft #ragi #puttu
