ന്യൂഡൽഹി: (truevisionnews.com) ഡൽഹിയിലെ ശക്കർപുരിൽ സഹപാഠിയുമായുള്ള തർക്കത്തെ തുടർന്ന് 14-കാരനെ കുത്തിക്കൊന്നു.
രാജ്കിയ സർവോദയ ബാലവിദ്യാലയത്തിലെ വിദ്യാർഥിയായിരുന്ന ഇഷു ഗുപ്ത(14) ആണ് കൊല്ലപ്പെട്ടത്. വെള്ളിയാഴ്ചയായിരുന്നു സംഭവം.
സ്കൂളിലെ എക്സ്ട്രാ ക്ലാസുകൾക്കിടെ ഇഷു മറ്റൊരു സഹപാഠിയായ കൃഷ്ണയുമായി തർക്കത്തിലേർപ്പെട്ടതായാണ് പോലീസ് പറയുന്നത്. ക്ലാസ് അവസാനിച്ചതിന് ശേഷം കൃഷ്ണയും മറ്റ് മൂന്ന് നാല് പേരും ചേർന്ന് ഇഷുവിനെ ആക്രമിക്കുകയായിരുന്നു.
പ്രതികളിൽ ഒരാൾ കുട്ടിയുടെ തുടയിൽ കുത്തി. പ്രാഥമിക ശുശ്രൂഷ നൽകിയതിന് ശേഷം സ്കൂൾ അധികൃതർ കുട്ടിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
സംഭവത്തിൽ, പ്രായപൂർത്തിയാകാത്ത അഞ്ച് പേർ ഉൾപ്പെടെ ഏഴുപേരെ പോലീസ് കസ്റ്റഡിയിലെടുത്തിട്ടുണ്ട്. 19-ഉം 31-ഉം വയസ്സുള്ളവരാണ് മറ്റ് രണ്ട് പേർ. ഇവർക്ക് അക്രമത്തിൽ എന്തെങ്കിലും പങ്കുണ്ടോയെന്നും പോലീസ് അന്വേഷിക്കുന്നുണ്ട്.
#14year #old #boy #stabbed #death #Delhi's #Shakarpur #after #argument #with #his #classmate.
.jpg)
