---
title: "#keralaschoolkalolsavam2025 | ഉണർവിന് അഭിമാനിക്കാം ; കലോത്സവ വേദിയിൽ ഗോത്രകലകൾക്ക് പ്രിയമേറുന്നു"
english_title: "#Unarva #Folk #Art #Study #Center #awaken #unique #tribal #art #forms #Kerala"
publisher: "truevisionnews.com"
canonical_url: "https://truevisionnews.com/news/261494/unarva-folk-art-study-center-awaken-unique-tribal-art-forms-kerala-"
published_at: "2025-01-06T14:18:00+05:30"
category: "Kerala School Kalolsavam 2025"
language: "ml"
image: "https://cf.zdn.im/img/truevisionnews.com/0/image-uploads/677b993941023_1.jpg"
keywords: []
---

# #keralaschoolkalolsavam2025 | ഉണർവിന് അഭിമാനിക്കാം ; കലോത്സവ വേദിയിൽ ഗോത്രകലകൾക്ക് പ്രിയമേറുന്നു

> **Lead Summary:** **തിരുവനന്തപുരം: **കേരള സംസ്ഥാന സ്കൂൾ കലോത്സവത്തിൽ ആദ്യമായി ഉൾപ്പെടുത്തിയ ഗോത്ര കലാരൂപങ്ങളാണ്, മലയപ്പുലയ ആട്ടം, മംഗളം കളി ,ഇരുള നൃത്തം ,പണിയ നൃത്തം തുടങ്ങിയവ.

## Article Content

**തിരുവനന്തപുരം: **കേരള സംസ്ഥാന സ്കൂൾ കലോത്സവത്തിൽ ആദ്യമായി ഉൾപ്പെടുത്തിയ ഗോത്ര കലാരൂപങ്ങളാണ്, മലയപ്പുലയ ആട്ടം, മംഗളം കളി ,ഇരുള നൃത്തം ,പണിയ നൃത്തം തുടങ്ങിയവ.

ഗോത്ര കലകൾ സംസ്ഥാന സ്കൂൾ കലോത്സവത്തിന്റെ ഭാഗമാക്കണമെന്നുള്ള നിരന്തരമായ ആവശ്യത്തിന് ഒടുവിലാണ് ഈ കലാരൂപങ്ങൾ സ്കൂൾ കലോത്സവത്തിന്റെ ഭാഗമാകുന്നത്.

പത്തു കലാരൂപങ്ങളാണ് ഉൾപ്പെടുത്താനായി ആവശ്യപ്പെട്ടെങ്കിലും അഞ്ചു കലാരൂപങ്ങൾ മാത്രമേ ഇതുവരെ ഉൾപ്പെടുത്തിയിട്ടുള്ളൂ.

**

ഇത്തരത്തിലുള്ള നാടൻ കലകൾക്ക് കൂടുതൽ കരുത്തേകുന്നതിനായി തുടങ്ങിയ സ്ഥാപനമാണ് വയനാട്ടിലെ ഉണർവ് നാടൻകലാ പഠന കേന്ദ്രം. രമേശ് ഉണർവിന്റെ നേതൃത്വത്തിലാണ് ഈ സ്ഥാപനം പ്രവർത്തിക്കുന്നത്. ഏതാണ്ട് 15 വർഷത്തോളമായി വയനാട്ടിലെ കൽപ്പറ്റ കേന്ദ്രീകരിച്ചാണ് ഈ സ്ഥാപനം പ്രവർത്തിച്ചു പോരുന്നത്.

കേരളത്തിലെ തനത് ഗോത്ര കലകളും പാട്ടുകളും പരിശീലിച്ചു മറ്റുള്ളവരിലേക്ക് പകർന്നു നൽകുക എന്ന ലക്ഷ്യത്തോടെ തുടങ്ങിയ സ്ഥാപനമാണിത്. കേരളത്തിൽ അങ്ങോളം ഇങ്ങോളമുള്ള വേദികളിലായി ഉണർവിന്റെ നേതൃത്വത്തിൽ തനത് ഗോത്ര കലാരൂപങ്ങൾ അവതരിപ്പിക്കാറുണ്ട്.

ഇതുവഴി കേരളത്തിൽ തനത് ഗോത്ര കലകൾക്കും ഗോത്ര സംസ്കാരത്തിനും കേരളത്തിൻറെ സാംസ്കാരിക മണ്ഡലത്തിൽ കൂടുതൽ ദൃശ്യത നൽകുന്നതിന് സഹായിക്കുന്നു.

കലോത്സവത്തിൻ്റെ ഭാഗമായി ഉൾപ്പെടുത്തിയ ഓരോ ഗോത്ര കലാരൂപങ്ങളും കേരളത്തിലെ ഒരു പ്രദേശത്തെ പ്രത്യേക വിഭാഗത്തിന് ഇടയിൽ നിലനിൽക്കുന്നവയാണ്.

അതിനാൽ കേരളത്തിൽ അങ്ങോളമിങ്ങോളമുള്ള സ്കൂളിലെ വിദ്യാർഥികൾക്ക് പരിശീലനം നൽകുന്നത് ശ്രമകരമായ കാര്യം ആയിരുന്നു അതിനാൽ ഇത്തരം തന്നത് നാടൻ കലാ കേന്ദ്രങ്ങൾ വഴി പരിശീലനം നൽകുന്നത് ഒരുപാട് സഹായിച്ചിട്ടുണ്ട്

കേരള സംസ്ഥാന സ്കൂൾ കലോത്സവത്തിൽ പുതുതായി ഉൾപ്പെടുത്തിയ മംഗലംകളി, മലയപുലയ ആട്ടം, പണിയ നൃത്തം , ഇരുള നൃത്തം തുടങ്ങിയ ഗോത്ര കലാരൂപങ്ങൾ ഉണർവ് നാടൻ കലാ കേന്ദ്രത്തിൽ പരിശീലനം നല്കുന്നുണ്ട്.

കഴിഞ്ഞ ദിവസങ്ങളിലായി നടന്ന മംഗളം കളി പണിയ നൃത്തം തുടങ്ങിയ മത്സരയിനങ്ങളിൽ ഉണർവ് നാടൻ കലാകേന്ദ്രം പരിശീലനം നൽകിയ വിദ്യാർഥികൾക്ക് A ഗ്രേഡ് നേടാൻ സാധിച്ചിരുന്നു. കേരളത്തിൽ ആറ് ജില്ലകളിലായി ഏതാണ്ട് 164 വിദ്യാർത്ഥികൾക്ക് പരിശീലനം നല്കി മത്സരത്തിനിറക്കിയിട്ടുണ്ട്.

**

### Related Links & Sources
- [Original Story Source](https://truevisionnews.com/news/261494/unarva-folk-art-study-center-awaken-unique-tribal-art-forms-kerala-)