വടകര ( കോഴിക്കോട് ) : ( www.truevisionnews.com ) മാഹിയിൽ നിന്ന് സ്കൂട്ടറിൽ കടത്തുകയായിരുന്ന 500 മില്ലിയുടെ 25 കുപ്പി വിദേശമദ്യവും വടി വാളും ഇരുമ്പ് ദണ്ഡുമായി യുവാവ് പിടിയിൽ.
കോഴിക്കോട് നൻമണ്ട സ്വദേശി കണ്ടിയിൽ സനലേഷിനെയാണ് (39) വടകര കൺട്രോൾ റൂം പോലീസ് അറസ്റ്റ് ചെയതത്. കെഎൽ 76 ഇ 2738 നമ്പർ സ്കൂട്ടറിൽ പോകവെ തിരുവള്ളൂരിൽ നിന്നാണ് ഇയാൾ പിടിയിലായത്.
സ്കൂട്ടറിന്റെ സീറ്റിനടിയിൽ സൂക്ഷിച്ച നിലയിലായിരുന്നു വടിവാളും ഇരുമ്പ് ദണ്ഡും. സ്കൂട്ടറും കസ്റ്റഡിയിലെടുത്തു. ഇയാളെ കോടതി റിമാന്റ് ചെയ്തു.
#Youth #arrested #25 #bottles #mahi #liquor #deadly #weapons #while #smuggling #scooter #Vadakara