ബംഗളൂരു: (truevisionnews.com) യുവതിയെ വെടിവച്ചുകൊന്ന ശേഷം ഭർത്താവ് ആത്മഹത്യ ചെയ്തു. ഹാസൻ ജില്ലയിൽ ബെളുർ താലൂക്കിലെ ദൊഡ്ഡസൽവാർ ഗ്രാമത്തിൽ ജാജിയാണ് (45) കൊല്ലപ്പെട്ടത്.
കൃത്യം ചെയ്ത ശേഷം ഭർത്താവ് ഹരീഷ് പൂജാരി (50) തൂങ്ങി മരിച്ചുവെന്ന് അയൽക്കാർ പൊലീസിനോട് പറഞ്ഞു.
കുടുംബവഴക്കിനെ തുടർന്നാണ് കടുംകൈ ചെയ്തതെന്ന് പൊലീസ് പറയുന്നു. ഈ ദമ്പതികളുടെ മൂന്ന് മക്കൾ വിവിധ സ്ഥലങ്ങളിൽ വിദ്യാർഥികളാണ്.
നിസ്സാര കാര്യങ്ങൾക്ക് ദിവസവും ഭാര്യയും ഭർത്താവും വഴക്ക് പതിവായിരുന്നു എന്നാണ് അയൽക്കാരുടെ മൊഴി.
ഇതിൽ മനം മടുത്ത് ഭർത്താവ് കൊലപാതകം നടത്തുകയായിരുന്നുവത്രെ. വീട്ടിൽ നിന്ന് വെടിയൊച്ച കേട്ട് എത്തിയ പരിസരവാസികളാണ് സംഭവം പൊലീസിനെ അറിയിച്ചത്.
#husband #committed #suicide #after #shooting #woman.