കാസർകോഡ്: ( www.truevisionnews.com ) ബിജെപിയെ പേടിച്ചാണ് രാഹുൽ ഗാന്ധി ഉത്തരേന്ത്യയിൽ നിന്ന് ഒളിച്ചോടി കേരളത്തിലെത്തി രണ്ടാം തവണയും മത്സരിക്കുന്നതെന്ന് പിണറായി വിജയൻ പറഞ്ഞു .
സ്വന്തം കൊടി പോലും ഉപേക്ഷിക്കുന്നവർക്ക് എങ്ങിനെ ബിജെപിയെ നേരിടാൻ കഴിയുമെന്നും പിണറായി ചോദിച്ചു. കാസർകോഡ് വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.
ലോകസഭാ തെരഞ്ഞെടുപ്പിൽ കേരളത്തിൽ വൻ വിജയം നേടും. രാജ്യത്ത് ഏറ്റവും കുറവ് അഴിമതി നടക്കുന്ന സംസ്ഥാനമാണ് കേരളം . ബിജെപിയും കോൺഗ്രസും കേരളത്തെ ഇകഴ്ത്തി കാട്ടാൻ ശ്രമിക്കുന്നു.
കേരളത്തെ ആക്ഷേപിക്കുന്നതിൽ രാഹുലിനും മോദിക്കും ഒരേ ശബ്ദമാണ്. പ്രധാന മന്ത്രി ആരെന്ന ചർച്ച ഇപ്പോൾ ഇല്ല. ബിജെപിയെ എതിർക്കുകയെന്നുള്ള ലക്ഷ്യമാണ് മുന്നിൽ .
സംഘപരിപാറിനെയും മോദിയെയും എതിർക്കാൻ രാഹുൽ ഗാന്ധി തയ്യാറാകുന്നില്ല. രാജ്യത്തെ ഏറ്റവും ശക്തമായ സഹകരണ മേഖലയുണ്ടായിരുന്ന ഗുജറാത്തിൽ ബിജെപി അതിനെ തകർത്തു. അത് തന്നെയാണ് കേരളത്തിലും അവർ തകർക്കാൻ ശ്രമിക്കുന്നതെന്നും പിണറായി പറഞ്ഞു.
#RahulGandhi #escaped #North #India #came #Wayanad #PinarayiVijayan
