മലപ്പുറം : (truevisionnews.com) വോട്ടർമാരുടെ ഹൃദയം കവർന്ന് വേങ്ങര മണ്ഡലത്തിൽ യുഡിഎഫ് സ്ഥാനാർത്ഥി ഇ ടി മുഹമ്മദ് ബഷീറിൻറെ നാലാംഘട്ട പര്യടനം.
ഐക്യ ജനാധിപത്യ മുന്നണിയുടെ ശക്തികേന്ദ്രമായ വേങ്ങര ഇ.ടി മുഹമ്മദ് ബഷീറിന് ഒന്നടങ്കം ഐക്യദാർഢ്യം പ്രഖ്യാപിക്കുന്ന സ്വീകരണമാണ് ഓരോയിടത്തും ഇന്ന് കണ്ടത്.
വേങ്ങര നിയോജക മണ്ഡലത്തിലെ എ ആർ നഗർ പഞ്ചായത്തിലെ മമ്പുറത്ത് നിന്ന് മുനവ്വറലി ശിഹാബ് തങ്ങൾ ഉൽഘാടനം ചെയ്ത് ആരംഭിച്ച പര്യടനം എ ആർ നഗർ പഞ്ചായത് ചുറ്റിത് കണ്ണമംഗലം, ഊരകം, ഒതുക്കുങ്ങൽ, പറപ്പൂർ പഞ്ചായത്തുകളിൽ പര്യടനം നടത്തി വേങ്ങര പഞ്ചായത്തിലെ വിവിധ കേന്ദ്രങ്ങൾ സന്ദർശിച്ച് സമാപിച്ചു.
ഇ.ടി യുടെ സന്ദർശനം പ്രമാണിച്ച് ഓരോ കവലകളും ചിഹ്നങ്ങളും പാർട്ടി പതാകകളും കൊണ്ട് പ്രവർത്തകർ അലങ്കരിച്ചിരുന്നു.
സ്ഥാനാർത്ഥി ഓരോ കേന്ദ്രങ്ങളിലും സ്ഥാനാർഥി എത്തുന്നതിനു മുൻപേ ഐക്യ ജനാധിപത്യ മുന്നണിയുടെ രാഷ്ട്രീയ വിശദീകരിച്ചുകൊണ്ടുള്ള ലഘു പ്രസംഗങ്ങളും ഡോക്യുമെൻററി പ്രദർശനവും ഓട്ടൻതുള്ളലും പര്യടനത്തിന് കൊഴുപ്പേകി.
ചൂടിനെ വകവെക്കാതെ മണ്ഡലം പഞ്ചായത്ത് ഭാരവാഹികളും പ്രവർത്തകരും ഓരോ സ്വീകരണ കേന്ദ്രങ്ങളിലും സ്ഥാനാർഥിയെ അനുഗമിച്ചു.
സ്ത്രീകളും കുട്ടികളുമടക്കം നിരവധി പേരാണ് ഓരോ സ്വീകരണകേന്ദ്രങ്ങളിലും സ്ഥാനാർത്ഥിയെ കാത്തിരുന്നത്.
ആരെയും നിരാശപ്പെടുത്താതെ എല്ലാ സ്വീകരണകേന്ദ്രങ്ങളിലും മുഴുവൻ വോട്ടർമാരെയും അഭിവാദ്യം ചെയ്തുകൊണ്ടും ആനുകാലിക രാഷ്ട്രീയ കാര്യങ്ങൾ ഹൃസ്വമെങ്കിലും ഗൗരവമായി അവതരിപ്പിച്ചും വോട്ട് അഭ്യർത്ഥിച്ച ഇ.ടി വോട്ടർമാരുടെ മനം കവർന്നു.
ഇത് നാലാം ഘട്ടമാണ്ണ് വേങ്ങരയിലെ ഇടിയുടെ പര്യടനം വേങ്ങര നിയോജക മണ്ഡലത്തിൽ ഐക്യ ജനാധിപത്യ മുന്നണിയുടെ പ്രവർത്തനങ്ങൾ അടുക്കും ചിട്ടയും വെളിവാക്കുന്നതായിരുന്നു പര്യടനത്തിന്റെ ക്രമീകരണങ്ങൾ. നിയോജകമണ്ഡലം യുഡിഎഫ് നേതാക്കൾ സ്ഥാനാർത്ഥിയെ അനുഗമിച്ചു.
#ETMuhammadBasheer #stage #tour #after #winning #heart #Vengara
.jpeg)
