www.truevisionnews.com വസ്ത്രധാരണത്തിന്റെ പേരില് നിരന്തരം ട്രോളുകള് ഏറ്റുവാങ്ങുന്ന താരമാണ് ഉര്ഫി ജാവേദ്. ഗ്ലാമറസ് വസ്ത്രങ്ങള് ധരിക്കുന്നു എന്നതാണ് ഉര്ഫി നേരിടാറുള്ള പ്രധാന വിമര്ശനം. എന്നാല് ഇവയൊന്നും താരത്തെ തെല്ലും ബാധിക്കാറില്ലെന്ന് മാത്രമല്ല, ഫാഷനില് ആരും പരീക്ഷിക്കാത്ത സ്റ്റൈലുകള് കൊണ്ടുവരാറുമുണ്ട് ഉര്ഫി.
ഇപ്പോഴിതാ സിഗരറ്റ് കുറ്റികള് ഉപയോഗിച്ച് മനോഹരമായ ഗൗണ് തയ്യാറാക്കിയിരിക്കുകയാണ് ഉര്ഫി. റോഡില് നിന്ന് സിഗരറ്റ് കുറ്റികള് ശേഖരിച്ചാണ് ഉര്ഫി ഈ ഫാഷന് പരീക്ഷണം നടത്തിയത്.
സിഗരറ്റ് കുറ്റിയുടെ താഴ്ഭാഗത്തെ ഗോള്ഡന് കവര് വേര്തിരിച്ചെടുത്ത് അതുപയോഗിച്ചാണ് ഔട്ട്ഫിറ്റ് തയ്യാറാക്കിയത്. ഇതിന്റെ വീഡിയോ താരം ഇന്സ്റ്റഗ്രാമില് പങ്കുവെയ്ക്കുകയും ചെയ്തു.
സ്വര്ണനിറത്തിലുള്ള ഈ ഗൗണ് ഫാഷന് ലോകത്തിന്റെ ശ്രദ്ധ പിടിച്ചുപറ്റി. നിരവധി പേരാണ് ഉര്ഫിയെ അഭിനന്ദിച്ച് കമന്റ് ചെയ്തത്.
ഇതുവരെ കണ്ടതില്വെച്ച് ഏറ്റവും മികച്ച ഫാഷന് പരീക്ഷണം എന്നായിരുന്നു ഒരു ആരാധകന്റെ കമന്റ്. പാഴ് വസ്തുക്കള് എങ്ങനെ ഉപയോഗപ്രദമാക്കാം എന്നത് ഉര്ഫിയെ കണ്ടുപഠിക്കണമെന്നും ആരാധകര് പ്രതികരിച്ചു.
#gown #made #cigarette #butts #Urfi #with #next #fashion #experiment