നല്ല ലൈംഗികബന്ധം പങ്കാളികള്‍ തമ്മിലുള്ള മാനസികവും ശാരീരകവുമായ അടുപ്പത്തിന് വഴിതെളിക്കും.. ആരോഗ്യകരമായും ഇത് പുരുഷനും സ്ത്രീയ്ക്കും ഗുണകരമാണ്. എന്നാല്‍ ചിലപ്പോള്‍ മിക്കവാറും ദമ്പതികള്‍ ലൈംഗികതയോട് താത്പര്യക്കുറവ് കാണിക്കാറുണ്ട്.
ഇതിന് പിന്നില്‍ പല കാരണങ്ങളുണ്ട്. വേദനാജനകമായ ലൈംഗികതയാണ് ഇതില്‍ പ്രധാനം. വേദനാജനകമായ ലൈംഗികബന്ധം യോനിയിലോ ഗര്‍ഭാശയത്തിലോ പെല്‍വിസിലോ ബാഹ്യമായോ ആന്തരികമായോ അനുഭവപ്പെടാം.
ആരോഗ്യപരമായ കാരണങ്ങള്‍, അണുബാധ എന്നിവയും വേദനാജനകമായ ലൈംഗികതയ്ക്ക് കാരണമാകും. വേദനയുടെ കാരണം തിരിച്ചറിഞ്ഞ് ചികിത്സിക്കുകയാണ് വേണ്ടതെന്ന് ഡോക്ടര്‍മാര്‍ പറയുന്നുക്ലമീഡിയയും ഗൊണോറിയയും പോലെയുള്ള സാധാരണ ലൈംഗികരോഗങ്ങള്‍ വേദനാജനകമായ ലൈംഗികബന്ധത്തിന് കാരണമാകും.
ജനനേന്ദ്രിയ ഹെര്‍പ്പസ് മൂലമുണ്ടാകുന്ന കുമിളകളും വ്രണങ്ങളും വേദനയുണ്ടാക്കും.യോനിയില്‍ ബാക്ടീരിയ അല്ലെങ്കില്‍ യീസ്റ്റ് അമിതവളര്‍ച്ച (കാന്‍ഡിഡ എന്ന ഫംഗസ് മൂലമുണ്ടാകുന്നത്) ഡിസ്ചാര്‍ജ്, ചൊറിച്ചില്‍ എന്നിവയ്ക്ക് കാരണമാകും.
അമേരിക്കന്‍ കോളേജ് ഓഫ് ഓസ്റ്റിനേഷന്‍സ് ആന്‍ഡ് ഗൈനക്കോളജി വിഭാഗത്തിന്റെ കണക്കനുസരിച്ച്‌ 75 ശതമാനം സ്ത്രീകളും വാഗിനൈറ്റിസ് വേദന അനുഭവിക്കുന്നവരാണ്.
സെക്‌സിലേര്‍പ്പെടുമ്ബോള്‍ ഫോര്‍പ്ലേയുടെ അഭാവം, അണുബാധ, മൂത്രാശയരോഗങ്ങള്‍ എന്നിവ ഈ രോഗാവസ്ഥയ്ക്ക് കാരണമാകുന്നുണ്ട്.
എസ്.ടി.ഐ സെക്സിനോടുള്ള താല്‍പര്യം കുറയ്ക്കുന്നതായി പഠനങ്ങള്‍ പറയുന്നു.മിക്ക സ്ത്രീകളെയും അവരുടെ ജീവിതത്തിലെ ഏതെങ്കിലും ഘട്ടത്തില്‍ ബാധിക്കുന്ന ഒരു സാധാരണ യീസ്റ്റ് അണുബാധയാണ് ത്രഷ് സെക്‌സിനിടെ വേദന അനുഭവപ്പെടാനുള്ള മറ്റൊരു കാരണം യോനിയിലെ വരള്‍ച്ചയാണ്. ആര്‍ത്തവവിരാമത്തിലൂടെ കടന്നുപോകുന്ന സ്ത്രീകളിലാണ് ഇത് പലപ്പോഴും കാണപ്പെടുന്നത്.
Know the reasons behind lack of interest in sex
