മുവായിരം ഓൺലൈൻ സ്റ്റോറുകൾക്ക് പൂട്ടിട്ട് പ്രമുഖ ഇ-കൊമേഴ്സ് സേവനമായ ആമസോൺ പ്രൈം. അറുന്നൂറോളം ചൈനീസ് ബ്രാൻഡുകൾ കച്ചവടം നടത്തിയിരുന്ന സ്റ്റോറുകളാണ് ആമസോൺ അടച്ചുപൂട്ടിയത്. ആളുകൾക്ക് പണം നൽകി റിവ്യൂ എഴുതിപ്പിച്ചു എന്ന് കണ്ടെത്തിയതിനെ തുടർന്നാണ് നടപടി.
പണം മുടക്കി റിവ്യൂ എഴുതിക്കുന്നത് 2016ൽ ആമസോൺ വിലക്കിയതാണ്. റിവ്യൂ പരിശോധിച്ചാണ് ഉപഭോക്താക്കളിൽ പലരും ഉത്പന്നത്തിൻ്റെ ഗുണനിലവാരം മനസ്സിലാക്കുന്നത്.
അതുകൊണ്ട് തന്നെ പണം മുടക്കി റിവ്യൂ എഴുതിക്കുമ്പോൾ ഉത്പന്നം മോശമാണെങ്കിൽ പോലും നല്ല റിവ്യൂകൾ ലഭിക്കുകയും ആളുകൾ തെറ്റിദ്ധരിക്കുകയും ചെയ്യും. ഇനിയും ഇത്തരം ആഭ്യന്തര പ്രശ്നങ്ങൾ കണ്ടെത്തി പരിഹാരം കണ്ടെത്തുമെന്നും ആമസോൺ പറഞ്ഞു.
Amazon has closed 3,000 online stores of about 600 Chinese brands