പാനൂർ : (truevisionnews.com) പാനൂരിൽ എംഡിഎംഎയും കഞ്ചാവുമടക്കം മൂന്ന് പേർ പൊലീസ് പിടിയിൽ. പാനൂരിനടുത്ത് ഈസ്റ്റ് വള്ള്യായിൽ വാടക വീട്ടിൽ പാനൂർ പൊലീസ് നടത്തിയ പരിശോധനയിലാണ് മൂന്ന് പേർ പിടിയിലായത്. ഇല്ലത്ത് താഴയിലെ റനിൽ, സിറാജ്, ഷെയ്ബോൺ ഷാജി എന്നിവരാണ് പിടിയിലായത്. ഇവരിൽ നിന്നും, എംഡിഎംഎ, കഞ്ചാവ് എന്നിവ കണ്ടെത്തി.
പ്രിൻസിപ്പൽ എസ്.ഐ സുഭാഷ് ബാബു, എസ്.ഐ ജയേഷ് എന്നിവരാണ് പ്രതികളെ പിടികൂടിയത്. ഇതിൽ റനിലിനെതിരെ തലശ്ശേരി പൊലീസിൽ കേസുണ്ട്. ഇല്ലത്ത് താഴയിലെ വീട്ടിൽ പൊലീസ് പരിശോധനക്കെത്തിയപ്പോൾ ഓടി രക്ഷപ്പെടുകയായിരുന്നു റനിൽ. ഇയാളുടെ വീട്ടിൽ നിന്നും അന്ന് തലശ്ശേരി പൊലീസ് കഞ്ചാവ് പിടികൂടിയിരുന്നു.
Three people arrested with MDMA cannabis Panur
