കുണ്ടറ: (truevisionnews.com) കുണ്ടറ നല്ലിലയില്‍ ബസിറങ്ങി റോഡ് മുറിച്ചുകടക്കുന്നതിനിടെ വയോധികന്‍ അതേ ബസിടിച്ച് മരിച്ചു. അഷ്ടമുടി വള്ളക്കടവ് മറ്റശേരി പുത്തന്‍വീട്ടില്‍ ഷാജു സക്കറിയ (73) ആണ് മരിച്ചത്. തിങ്കളാഴ്ച ഉച്ചയ്ക്ക് 12.40-ന് നല്ലില ജംഗ്ഷനില്‍ വെച്ചായിരുന്നു അപകടം.
അഞ്ചാലുംമൂട്ടില്‍നിന്ന് കൊല്ലം-വെളിയം സര്‍വീസ് നടത്തുന്ന സ്വകാര്യ ബസില്‍ നല്ലിലയിലെ ബന്ധുവീട്ടില്‍ എത്തിയതായിരുന്നു ഷാജു സക്കറിയ. നല്ലില ജംഗ്ഷനില്‍ ഇറങ്ങിയ ശേഷം ബസിന്റെ ഇടതുവശത്ത് കൂടി റോഡ് മുറിച്ചുകടക്കുന്നതിനിടെ അതേ ബസ് ഇടിക്കുകയായിരുന്നു.
.gif)
വെളിയത്തേക്ക് പോകുന്നതിനായി ആല്‍മാവ് മുക്ക്-നല്ലില റോഡില്‍നിന്ന് ഇടത്തേക്ക് തിരഞ്ഞ ബസ് ഷാജു സക്കറിയയെ ഇടിച്ചു. ഇടിയുടെ ആഘാതത്തില്‍ റോഡിലേക്ക് വീണ ഷാജു സക്കറിയയുടെ ശരീരത്തിലൂടെ ബസിന്റെ മുന്‍ചക്രം കയറിയിറങ്ങി. ഉടന്‍തന്നെ ജില്ലാ ആശുപ്രതിയില്‍ എത്തിച്ചെങ്കിലും രക്ഷിക്കാനായില്ല. സംസ്‌കാരം പിന്നീട്. ഭാര്യ: ഓമന (മറിയക്കുട്ടി). മക്കള്‍: ഷൈനി, ഷൈജു, ഷീജ. മരുമക്കള്‍: ബിജു, ജയ, ഷിബു.
man died bus accident kundara kollam
.jpg)