ഐഫോൺ പൊട്ടിത്തെറിച്ച് യുവാവിന് ഗുരുതര പരിക്ക്; അന്വേഷണം ആരംഭിച്ച് ​പൊലീസ്, ദൃശ്യങ്ങൾ പുറത്ത്

ലഖ്നോ: ( www.truevisionnews.com ) ഐഫോൺ പൊട്ടിത്തെറിച്ച് യുവാവിന് ഗുരുതര പരിക്ക്. ഉത്തർപ്രദേശിലെ അലിഗഢിലാണ് സംഭവം. ഐഫോൺ 13 ആണ് പൊട്ടിത്തെറിച്ചത്.

ഇതിന്റെ ദൃശ്യങ്ങൾ സമൂഹമാധ്യങ്ങളിൽ വ്യാപകമായി പ്രചരിക്കുന്നുണ്ട്. ഫോൺ പോക്കറ്റിലുള്ള സമയത്താണ് ​പൊട്ടിത്തെറിച്ചതെന്ന് യുവാവ് പൊലീസിന് മൊഴി നൽകിയിട്ടുണ്ട്. ചാര പൊലീസ് സ്റ്റേഷൻ പരിധിയി​ലെ ശിവ്പുരിയിലാണ് സംഭവം. ദിവസങ്ങൾക്ക് മുമ്പ് വാങ്ങിയ ഐഫോണാണ് പൊട്ടിത്തെറിച്ചത്.

Also read: 'കൊണ്ടു പൊയ്ക്കോളൂ... എല്ലാ തെരുവുനായകളെയും നല്‍കാം'; മൃഗസ്നേഹിയോട് ഹൈക്കോടതിയുടെ വിമർശനം

ഫോൺ പോക്കറ്റിലായിരിക്കുന്ന സമയത്ത് പൊട്ടിത്തെറിക്കുകയായിരുന്നുവെന്നാണ് യുവാവിന്റെ മൊഴി. ഗുരുതരമായി പരിക്കേറ്റ ഇയാൾ ആശുപത്രിയിൽ ചികിത്സയിൽ തുടരുകയാണ്.

പ്രീമിയം സ്മാർട്ട്ഫോൺ ഇത്തരത്തിൽ പൊട്ടിത്തെറിച്ചത് ആശങ്കക്ക് കാരണമായിട്ടുണ്ട്. സാ​​​ങ്കേതിക തകരാർ മൂലം മറ്റ് പല ഫോണുകളും പൊട്ടിത്തെറിച്ച സംഭവമുണ്ടായിട്ടുണ്ടെങ്കിലും ഐഫോണിന് ഇത്തരം പ്രശ്നമുണ്ടാവുന്നത് ഇതാദ്യമായാണ്.

അതേസമയം, യുവാവിന്റെ പരാതിയുടെ അടിസ്ഥാനത്തിൽ അന്വേഷണം ആരംഭിച്ചതായി അലിഗഢ് പൊലീസ് അറിയിച്ചു.

Also read: അപകീർത്തികരമായ ആരോപണ പ്രചരണങ്ങൾക്കെതിരെ നിയമ നടപടിയുമായി ജി-ടെക് ഭാരവാഹികൾ

ഫോൺ പൊട്ടിത്തെറിക്കുന്നതിന് ഇടയാക്കിയ സാ​​ങ്കേതികകാരണം കണ്ടെത്തുന്നതിനായി വിദഗ്ധരിൽ നിന്ന് ഉൾപ്പെടുത്തി പ്രത്യേക സംഘത്തെ നിയോഗിച്ചിട്ടുണ്ടെന്നും പൊലീസ് വ്യക്തമാക്കി. ആപ്പിൾ ഐഫോൺ 13ക്ക് നിലവിൽ 44,999 രൂപയാണ് ഫ്ലിപ്കാർട്ടിലെ വില.

https://x.com/bstvlive/status/1915403869963592058

#Youngman #seriously #injured #iPhoneexplode #Police #launch #investigation #footage #released