കണ്ണൂർ: (truevisionnews.com) മൂന്നാറിനു മാത്രമല്ല കണ്ണൂരിനുമുണ്ട് തണുപ്പും മഞ്ഞും മഞ്ഞിന്റെ പുതപ്പണിഞ്ഞു കിടക്കുന്ന പർവതനിരകളെല്ലാം.ആ ഇടമാണ് പൈതൽമല.
കണ്ണൂരിന്റെ 'കുടക്' എന്നും 'മൂന്നാർ' എന്നും പൈതൽമലയ്ക്ക് വിളിപ്പേരുണ്ട്.
ജില്ലയിലെ മനോഹരമായ ഹിൽ സ്റ്റേഷനാണിവിടം. മഞ്ഞിന്റെ പുതപ്പണിഞ്ഞു കിടക്കുന്ന പർവതനിരയുടെ കാഴ്ചകൾ ആസ്വദിക്കുവാനായി പൈതൽ മലയിലേക്ക് നിരവധിപേരാണ് മൺസൂൺ കാലത്തും അല്ലാതെയും ട്രെക്കിങിനായി എത്തിച്ചേരുന്നത്.
മലമുകളിലെ നിരീക്ഷണ ഗോപുരത്തുനിന്നു നോക്കിയാൽ രണ്ടു കിലോമീറ്റർ അകലെയുള്ള കുടക് വനങ്ങൾ അതിമനോഹരമായി കാണാം.
ഇവിടെ മൂന്നാറിലെയും കുടകിലെയും തണുത്ത കാലാവസ്ഥയാണ് മഞ്ഞുമൂടിയ മലനിരകളും തണുത്ത കാറ്റും കുളിർമയേകുന്ന അന്തരീക്ഷവുംമാണ്.
മൺസൂൺ സമയത്ത് ട്രെക്കിങ് നടത്താൻ പറ്റിയ സ്ഥലമാണ് പൈതൽ മല. മഴക്കാലത്തെ ട്രെക്കിങ് യാത്ര കുറച്ച് ദുഷ്കരവുമാണ്. കോടമഞ്ഞിനാൽ സമൃദ്ധമാണിവിടം. വൈതൽ മല ദൂരെ നിന്ന് വീക്ഷിക്കുമ്പോൾ ആനയുടെ ആകൃതിയിൽ കാണപ്പെടുന്നു .
ഏകദേശം രണ്ട് കിലോമീറ്റര്‍ ദൂരത്തെ വനയാത്രയ്‌ക്കൊടുവില്‍ സഞ്ചാരികളെ കാത്തിരിക്കുന്നത് പച്ചപ്പരവതാനി വിരിച്ച പുല്‍മേടുകളും കാറ്റിനൊത്ത് മാറിമറിയുന്ന കോടമഞ്ഞുമാണ്.
ഇടയ്ക്ക് തൊട്ടടുത്ത് നില്‍ക്കുന്നവരെ പോലും മറയ്ക്കുന്ന കോടമഞ്ഞ് സഞ്ചാരികള്‍ക്ക് അതുല്യ അനുഭവമാണ് സമ്മാനിക്കുക.
അധികൃതർ പൈതൽമലയെ കാത്ത് സംരക്ഷിക്കുക. സഞ്ചാരികൾക്ക് ട്രെക്കിങ് യാത്രാ സൗകര്യങ്ങൾ ഒരുക്കി നൽക്കുക. കണ്ണൂരിൽ കുറെ മലകളും വ്യൂ പോയിൻ്റുകളും ഉണ്ട് പക്ഷേ കണ്ണിലെ കൃഷ്ണമണി പോലെ കാത്തുസൂക്ഷിക്കേണ്ട ഒന്നാണ് പൈതൽ മല.
#Snow #clad #mountains #Kannurs #Kudak
