---
title: "#Sargalayainternationalartsandcrafts2024 | ക്രിസ്തുമസ് സ്പെഷ്യൽ സംഗീതനിശ; സർഗാലയ വേദിയിൽ ഇന്ന് സൂരജ് സന്തോഷിൻറെ സംഗീത വിരുന്ന് "
english_title: "#Christmas #Special #Music #Night #SurajSanthosh #music #fest #today #Sargalaya #venue"
publisher: "truevisionnews.com"
canonical_url: "https://truevisionnews.com/news/258813/christmas-special-music-night-surajsanthosh-music-fest-today-sargalaya-venue"
published_at: "2024-12-25T12:29:00+05:30"
category: "Sargaalaya International Arts and Crafts Festival2024-25"
language: "ml"
image: "https://cf.zdn.im/img/truevisionnews.com/0/image-uploads/676bad5fbd603_saragalaya.jpg"
keywords: []
---

# #Sargalayainternationalartsandcrafts2024 | ക്രിസ്തുമസ് സ്പെഷ്യൽ സംഗീതനിശ; സർഗാലയ വേദിയിൽ ഇന്ന് സൂരജ് സന്തോഷിൻറെ സംഗീത വിരുന്ന് 

> **Lead Summary:** **വടകര: **സർഗാലയ അന്താരാഷ്ട്ര കരകൗശല മേളയിൽ ക്രിസ്തുമസ് വിരുന്നൊരുക്കാൻ മലയാളത്തിന്റെ പ്രിയ ഗായകൻ സൂരജ് സന്തോഷ് .

## Article Content

**വടകര: **സർഗാലയ അന്താരാഷ്ട്ര കരകൗശല മേളയിൽ ക്രിസ്തുമസ് വിരുന്നൊരുക്കാൻ മലയാളത്തിന്റെ പ്രിയ ഗായകൻ സൂരജ് സന്തോഷ് .

ഇന്ന് രാത്രി ഏഴിന് ക്രിസ്‌മസ് സ്പെഷ്യൽ സംഗീത നിശമായിട്ടാണ് സൂരജ് സന്തോഷ് എത്തുക.

വ്യാഴാഴ്‌ച യൂത്ത് യൂത്ത് ഫെസ്‌റ്റിവൽ ടീമിൻ്റെ സാംസ്കാരിക പരിപാടികളും വെള്ളിയാഴ്‌ച ശ്രീജിത്ത് ഇരിങ്ങലിന്റെ ഗ്രൂപ്പ് ഡാൻസും നടക്കും.

ലോകമെമ്പാടുമുള്ള 15 രാജ്യങ്ങളിൽ നിന്നുള്ള 200-ലധികം കലാകാരന്മാർ മേളയിൽ പങ്കെടുക്കും.

സന്ദർശകർക്ക് ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള കരകൗശല വസ്തുക്കളും വിവിധ രാജ്യങ്ങളിൽ നിന്നുള്ള മനോഹരമായ കരകൗശല വസ്തുക്കളും നേരിട്ട് വാങ്ങാനുള്ള അവസരവും ലഭിക്കും.

ഓരോ ദിവസവും വ്യത്യസ്തങ്ങളായ സാംസ്കാരിക പരിപാടികളാണ് അരങ്ങേറുക.

26-ന് യൂത്ത് ഫെസ്റ്റിവൽ ടീമിന്റെ സാംസ്കാരിക പരിപാടികളും, 27-ന് ശ്രീജിത്ത് ഇരിങ്ങലിന്റെ ഗ്രൂപ്പ് ഡാൻസും, 28-ന് അനിത ഷായിഖിന്റെ സൂഫി ഗാനങ്ങളും അരങ്ങേറും.

ഡിസംബർ 29-ന് തെക്കിൻകാട് ബാൻഡ് & ആട്ടം കലാസമിതിയുടെ ഫ്യൂഷൻ സംഗീതവും, 30-ന് മെന്റലിസ്റ്റ് അനന്ദുവിന്റെ മെന്റലിസം ഷോയും, 31-ന് പുതുവർഷ രാവിൽ 11-ദി ബാൻഡിന്റെ ആവേശകരമായ പ്രകടനവും ഉണ്ടായിരിക്കും.

### Related Links & Sources
- [Original Story Source](https://truevisionnews.com/news/258813/christmas-special-music-night-surajsanthosh-music-fest-today-sargalaya-venue)