പേരാമ്പ്ര: (truevisionnews.com) പേരാമ്പ്ര ബസ് സ്റ്റാൻ്റിൽ വയോധികന്‍ ബസ് തട്ടി മരിച്ച സംഭവത്തിൽ കൂടുതൽ വിവരങ്ങൾ പുറത്ത് .
നടുവണ്ണൂര്‍ വാകയാട് സ്വദേശി കണ്ണി പൊയില്‍ അമ്മദിന്റെ (70) ആണ് മരിച്ചത് . സ്റ്റാൻഡിലൂടെ നടന്നു പോകുകയായിരുന്നു അമ്മദിന്റെ ദേഹത്ത് കൂടി ബസ്സ് കയറിയിറങ്ങുകയായിരുന്നു .
കോഴിക്കോട് നിന്ന് കുറ്റ്യാടിയിലേക്ക് പോവുകയായിരുന്ന എസ്റ്റീം ബസ്സാണ് തട്ടിയത് . സംഭവസ്ഥലത്തുവച്ചു തന്നെ അമ്മദ് മരിച്ചിരുന്നു . മൃതദേഹം ഇഎംഎസ് ആശുപത്രിയിലേക്ക് മാറ്റി.
ബസിന്റെ അശ്രദ്ധയാണ് അപകടത്തിന് കാരണമെന്ന് ആരോപിച്ച് സ്ഥലത്ത് ബസ്സുകള്‍ തടഞ്ഞ് യാത്രക്കാരും നാട്ടുകാരും പ്രതിഷേധിക്കുകയാണ്.
പൊലീസും ഫയര്‍ ഫോഴ്‌സും എത്തി അപകടസ്ഥലം വൃത്തിയാക്കുകയും ചെയ്തു.
#More #information #about #death #elderly #man #hit #bus #Perambra #bus #stand.
