ന്യൂഡൽഹി: (truevisionnews.com) കാനഡയിലേക്ക് കുടിയേറാൻ അനുവദിക്കാത്തതിന് മകൻ മാതാവിനെ കുത്തിക്കൊന്നു.
ഡൽഹിയിലെ ബദർപൂർ മേഖലയിലെ മൊലർബന്ദിലാണ് സംഭവം. ഗീത (50) കൊല്ലപ്പെട്ട സംഭവത്തിൽ മകൻ കൃഷ്ണകാന്തിനെ (31) പൊലീസ് അറസ്റ്റ് ചെയ്തു.
പിതാവ് സുർജീത് സിങ് വീട്ടിലില്ലാത്ത സമയം കൃഷ്ണകാന്തും മാതാവും തർക്കമുണ്ടാവുകയും കത്തികൊണ്ട് കുത്തുകയുമായിരുന്നു. ശേഷം പിതാവിനെ വിളിച്ച് അമ്മയെ കൊന്നത് പറയുകയും ചെയ്തു.
പിതാവെത്തുമ്പോൾ നിരവധി തവണ കുത്തേറ്റ നിലയിലായിരുന്നു ഗീത. ഉടൻ ആശുപത്രിയിലെത്തിച്ചെങ്കിലും മരിച്ചു.തൊഴിൽരഹിതനും മയക്കുമരുന്നിന് അടിമയുമാണ് യുവാവ്.
താൻ കാനഡയിലേക്ക് കുടിയേറാൻ ആഗ്രഹിക്കുന്നു, എന്നാൽ കുടുംബം സമ്മതിച്ചില്ല. ആദ്യം വിവാഹം കഴിക്കാനാണ് വീട്ടുകാർ ആവശ്യപ്പെട്ടതെന്നും ഇയാൾ പൊലീസിനോട് പറഞ്ഞു. ഇയാളുടെ സഹോദരന് ബാങ്കിലാണ് ജോലി. രണ്ട് മക്കളും അവിവാഹിതരാണ്.
#Son #stabs #mother #not #allowing #him #immigrate #Canada #killed
.jpg)
