കോഴിക്കോട് : (truevisionnews.com)കർണാടക റെയിൽവേ സ്റ്റേഷനിൽ ഓടികൊണ്ടിരിക്കുന്ന ട്രെയിനിൽ കയറുന്നതിനിടയിൽ പ്ലാറ്റ്ഫോമിനുള്ളിൽ അകപ്പെട്ട യാത്രക്കാരിക്ക് രക്ഷകയായി വനിത കോൺസ്റ്റബിൾ.
കഴിഞ്ഞ ദിവസം രാവിലെയോടെയായിരുന്നു സംഭവം.
താമരശ്ശേരി സ്വദേശിനിയും ഉഡുപ്പി പോസ്റ്റിലെ വനിതാ കോൺസ്റ്റബിളുമായ അപർണയാണ് യുവതിക്ക് രക്ഷാകവചമായി മാറിയത്.
ട്രെയിനിൽ കേറുന്നതിനിടയിൽ കൈ വിട്ടുപോയ യുവതിയുടെ കാലുകൾ പ്ലാറ്റഫോമിനും ട്രെയിനിനും ഇടയിൽ അകപ്പെട്ടുപോവുകയായിരുന്നു.
വനിതാ കോൺസ്റ്റബിളും മറ്റൊരു യാത്രക്കാരനും യുവതിയെ വലിച്ച് കയറ്റിയതിനാൽ വലിയ ഒരു അപകടം ഒഴിവായി. അപകടത്തിന് പിന്നാലെ എത്തിയ ഉഡുപ്പി ഇൻസ്‌പെക്ടർ സംഭവസ്ഥലത്ത് എത്തുകയും യുവതിയുടെ ആരോഗ്യസ്ഥിതി വിലയിരുത്തി അതെ ട്രെയിനിൽ തന്നെ യുവതിയെ കയറ്റി അയക്കുകയും ചെയ്തു.
സേവനത്തിന് ആർ ആർ എം കാർവാർ അപർണയ്ക്ക് സ്നേഹാദരം നൽകി ആദരിച്ചു. 
ഓടിക്കൊണ്ടിരിക്കുന്ന ട്രെയിനിൽ നിന്ന് യാത്രക്കാർ ഇറങ്ങുകയോ ട്രെയിനിലേക്ക് കയറുകയോ ചെയ്യരുതെന്ന് അപർണ നിർദ്ദേശിക്കുകയും ചെയ്തു.
അപകടത്തിൻ്റെയും അപർണയുടെ സമയോചിതമായ രക്ഷാപ്രവർത്തനത്തിൻ്റെയും ദൃശം പുറത്ത് വന്നിട്ടുണ്ട്. കാണാം ആ വീഡിയോ ദൃശ്യം.
#Aparna #became #rescue #young #woman #who #fell #from #train
