(truevisionnews.com) ശരീരഭാരം കുറയ്ക്കാന്‍ പലവഴികളും സ്വീകരിച്ചിട്ട് പരാജയപ്പെട്ടവരാണ് പലരും. ഒറ്റയടിക്ക് ശരീരഭാരം കുറയ്ക്കുക എന്നത് അത്ര എളുപ്പമുള്ള കാര്യമല്ല.
നല്ല ക്ഷമയും ശരിയായ ജീവിതരീതിയും ഉണ്ടെങ്കില്‍ മാത്രമേ അധികഭാരം കുറയ്ക്കാനാകൂ എന്നാണ് വിദഗ്ധര്‍ പറയുന്നത്. ശരീരഭാരം കുറയ്ക്കാനുള്ള യാത്രയിൽ ഭക്ഷണത്തിന് വലിയ പങ്കുണ്ട്.
എല്ലാ അവശ്യ പോഷകങ്ങളോടും കൂടിയ ശരിയായ ഭക്ഷണക്രമം ഈ പ്രകിയയെ വേഗത്തിലാക്കുന്നു. ആരോഗ്യകരമായ ഭക്ഷണത്തെക്കുറിച്ച് പറയുമ്പോൾ, മിക്കവാറും എല്ലാ അവശ്യ പോഷകങ്ങളും ഉൾപ്പെടുന്നതും സൂപ്പർഫുഡുകളായി കണക്കാക്കപ്പെടുന്നതുമായ ചിലതുണ്ട്.
കറ്റാര്‍വാഴ അതിലൊന്നാണ്. ഇത് നല്ലൊരു ആന്‍റിഓക്സിഡന്‍റാണ്. കൂടാതെ ബാക്ടീരിയ, പൂപ്പൽ എന്നിവയെ ചെറുക്കുന്നതോടൊപ്പം രോഗപ്രതിരോധ ശേഷി വർധിപ്പിക്കുന്നു.
ഇത് ശരീരത്തിന് പൂർണ്ണമായ പോഷണം നൽകുന്നു. കറ്റാര്‍വാഴയുടെ ജെല്ലില്‍ ഏകദേശം 96 ശതമാനം വെള്ളമാണ് അടങ്ങിയിരിക്കുന്നത്. കൂടാതെ ചില ഓർഗാനിക്, അജൈവ സംയുക്തങ്ങൾ, വിറ്റാമിനുകൾ എ, ബി, സി, ഇ എന്നിവയും 20 അമിനോ ആസിഡുകളിൽ 18 എണ്ണം അടങ്ങിയ ഒരു തരം പ്രോട്ടീനും ചേർന്നതാണ്.
ഈ ജെല്‍. കറ്റാർ വാഴ ജെല്ലിൽ കാണപ്പെടുന്ന മറ്റൊരു അവശ്യ പോഷകം അസെമന്നാൻ എന്നറിയപ്പെടുന്ന സങ്കീർണ്ണ കാർബോഹൈഡ്രേറ്റാണ്.
ഈ അവശ്യ പോഷകങ്ങളെല്ലാം വിഷവസ്തുക്കളെ പുറന്തള്ളാനും മെറ്റബോളിസത്തെ പ്രോത്സാഹിപ്പിക്കാനും സഹായിക്കുന്നു, ഇത് ശരീരഭാരം കുറയ്ക്കാൻ കൂടുതൽ സഹായിക്കുന്നു.ധാരാളം പോഷകങ്ങൾ ഉള്ളതിനാൽ, കറ്റാർ വാഴ ശരീരഭാരം കുറയ്ക്കാൻ മാത്രമല്ല, ശരീരത്തിന്‍റെ ആഗിരണവും പോഷകങ്ങളുടെ ഉപയോഗവും മെച്ചപ്പെടുത്തുന്നുവെന്ന് 'The Everything Guide to Aloe Vera for Health'എന്ന പുസ്തകത്തിന്‍റെ രചയിതാവ് ബ്രിട്ട് ബ്രാന്‍ഡണ്‍ പറയുന്നു.
കറ്റാർ വാഴ ജ്യൂസ് ശരിയായ അളവിൽ കഴിച്ചാൽ ശരീരഭാരം കുറയ്ക്കാൻ സഹായിക്കുമെന്ന് ലോകമെമ്പാടുമുള്ള നിരവധി പഠനങ്ങള്‍ തെളിയിച്ചിട്ടുണ്ട്. രാവിലെ വെറുംവയറ്റില്‍ കറ്റാര്‍ വാഴ ജ്യൂസ് കുടിയ്ക്കുന്നത് പല തരത്തിലെ ഗുണങ്ങളും നല്‍കും. ഇതില്‍ നാരങ്ങാനീരോ ചെറുനാരങ്ങാനീരോ കലര്‍ത്തി കുടിയ്ക്കാം.
മാര്‍ക്കറ്റില്‍ നിന്നും ലഭിയ്ക്കുന്ന കറ്റാര്‍ വാഴ ജ്യൂസ് 10-20 മില്ലി ഇളം ചൂടുള്ള വെള്ളത്തില്‍ കലക്കിയാണ് കുടിക്കേണ്ടത്. വീട്ടിലുണ്ടാക്കുകയാണെങ്കില്‍ കറ്റാര്‍ വാഴയുടെ ജെല്‍ എടുത്ത് മിക്‌സിയില്‍ വെള്ളവും ചേര്‍ത്ത് അടിച്ചെടുക്കാം.
ദിവസവും രാവിലെ വെറുംവയറ്റില്‍ ഇളം ചൂടുള്ള വെള്ളത്തില്‍ കലക്കിയ കറ്റാര്‍ വാഴ ജ്യൂസ്, ഒപ്പം തേനോ നാരങ്ങാനീരോ കുടിച്ചാല്‍ ഗുണങ്ങള്‍ പലതാണ്. മുടിക്കും ചര്‍മത്തിനും വായുടെ ആരോഗ്യത്തിനുമെല്ലാം ഈ ജ്യൂസ് നല്ലതാണ്.
#drinking #aloe #vera #juice #daily #help #you #lose #weight?
