(truevisionnews.com) കാമുകിയ്ക്ക് നേരെ വെടിയുതിർത്ത യുവാവ് അതേ തോക്കുപയോഗിച്ച് ആത്മഹത്യ ചെയ്തു.
ബുധനാഴ്ച സൗത്ത് കൊൽക്കത്തയിലാണ് സംഭവം നടന്നത്. കാമുകിക്ക് നേരെ ആദ്യം വെടിയുതിർത്ത യുവാവ് പിന്നീട് പിസ്റ്റൾ ഉപയോഗിച്ച് സ്വയം വെടിവെക്കുകയായിരുന്നുവെന്ന് പൊലീസ് പറഞ്ഞു.
പശ്ചിമ ബംഗാളിലെ സൗത്ത് 24 പർഗാനാസ് ജില്ലയിലെ സന്തോഷ്പൂർ സ്വദേശിയായ രാജേഷ് കുമാർ സാഹുവാണ് സംഭവത്തിൽ മരണപ്പെട്ടത്.
കാലിന് വെടിയേറ്റ യുവതിയെ പരിക്കുകളുമായി ആശുപത്രിയിൽ പ്രവേശിപ്പിച്ചിട്ടുണ്ട്.
സാഹചര്യ തെളിവുകൾ പ്രകാരം യുവതിയും യുവാവും തമ്മിൽ പ്രണയത്തിലായിരുന്നുവെന്നും, ബന്ധം വഷളായതിനെ തുടർന്ന് ഇരുവരും വാക്കേറ്റം ഉണ്ടാവുകയും യുവാവ് യുവതിക്ക് നേരെ വെടിയുതിർക്കുകയുമായിരുന്നെന്ന് പൊലീസ് പറഞ്ഞു.
#Love #turned #grudge #young #man #who #shot #girlfriend #committed #suicide #gun
