വടകര: (truevisionnews.com) സൈബർ ആക്രമണം സംബന്ധിച്ച് പറഞ്ഞതിൽ ഉറച്ചുനിൽക്കുന്നുവെന്നും തെളിവ് കൊടുക്കേണ്ടിടത്ത് കൊടുക്കുമെന്നും എൽ.ഡി.എഫ് സ്ഥാനാർഥി കെ.കെ. ശൈലജ.
തെരഞ്ഞെടുപ്പിൽ വില കുറഞ്ഞ പണിയൊന്നും എടുക്കേണ്ട കാര്യം തനിക്കില്ലെന്നും കെ.കെ. ശൈലജ വ്യക്തമാക്കി. സോഷ്യൽ മീഡിയ ഇംപാക്ട് യു.ഡി.എഫിന് ബൂമറാങ്ങായി വരും.
തനിക്കെതിരായ സൈബർ ആക്രമണത്തിൽ ജനത്തിന് പ്രതിഷേധമുണ്ടെന്നും കെ.കെ. ശൈലജ വ്യക്തമാക്കി.
ജയിച്ചാല്‍ വര്‍ഗ്ഗീയതയ്‌ക്കെതിരായ പോരാട്ടത്തിന് പ്രാമുഖ്യം നല്‍കും. കേരളത്തിന്റെ അവകാശങ്ങള്‍ കേന്ദ്രം നിഷേധിക്കുന്നു. കേരളത്തിന്റെ അവകാശങ്ങള്‍ക്ക് വേണ്ടി ശബ്ദമുയര്‍ത്തും.
കേരളത്തിന് വൈറോളജി ഇന്‍സ്റ്റിറ്റ്യൂട്ടുകള്‍ വേണം. കേന്ദ്ര ഫണ്ട് ലഭിച്ചാല്‍ നിരവധി പദ്ധതികള്‍ നടപ്പിലാക്കാനാകുമെന്നും ശൈലജ പറഞ്ഞു. വ്യക്തിപരമായി അധിക്ഷേപിച്ചതില്‍ ജനങ്ങള്‍ക്ക് പ്രതിഷേധമുണ്ട്.
മറ്റ് പാര്‍ട്ടിയിലുള്ളവര്‍ വിളിച്ച് പിന്തുണ അറിയിച്ചു.തുടക്കത്തില്‍ പറഞ്ഞ കാര്യങ്ങള്‍ തന്നെയാണ് ഇപ്പോഴും പറയുന്നത്.ഒരു കാര്യവും മാറ്റിപ്പറഞ്ഞിട്ടില്ലെന്നും ശൈലജ പറഞ്ഞു.
#CyberAttacks: #Stick #say,#proof #due -#KKShailaja
