.jpg)
(truevisionnews.com) പഴം പൊരി എല്ലാവരും ഏറെ ഇഷ്ടപ്പെടുന്ന ഒരു പലഹാരമാണ്. നമ്മൾ പൊതുവെ ഉണ്ടാക്കുന്ന രീതിയിൽ നിന്നും വ്യത്യസ്തമായി പഴം പൊരി ഉണ്ടാക്കിനിക്കാം.
ചേരുവകൾ
പഴം - 3
മൈദ - മുക്കാൽ കപ്പ്
ദോശ മാവ് - മുക്കാൽ കപ്പ്
ബേക്കിങ് സോഡ - കാൽ സ്പൂൺ
ഉപ്പ് - ഒരു നുള്ള്
പഞ്ചസാര 3 ടേബിൾ സ്പൂൺ
മഞ്ഞൾപ്പൊടി - കാൽ സ്പൂൺ
എള്ള് 1 സ്പൂൺ
തയാറാക്കുന്ന വിധം
ഒരു പാത്രത്തിൽ മൈദ, ദോശമാവ്, മഞ്ഞൾപ്പൊടി, ഉപ്പ്, പഞ്ചസാര എന്നിവ ചേർത്ത് യോജിപ്പിച്ച കുറേശ്ശേ വെള്ളം ഒഴിച്ച് കൈകൊണ്ട് നല്ലോണം യോജിപ്പിക്കുക. ശേഷം ഒരു സ്‌പൂണോ ഫോർക്കോ കൊണ്ട് കട്ടയില്ലാതെ യോജിപ്പിച്ചു വയ്ക്കുക.
ഒരു സ്പൂൺ എള്ള് കൂടെ ചേർക്കാം. ശേഷം പഴം തൊലി കളഞ്ഞു വേണ്ട വലുപ്പത്തിൽ കനം കുറച്ച് മുറിക്കുക. ഒരു ചീനച്ചട്ടിയിൽ എണ്ണ ഒഴിച്ച് നന്നായി ചൂടാവുമ്പോൾ ഓരോ പഴ കഷ‌ണങ്ങൾ മാവിൽ മുക്കി എണ്ണയിൽ ഇടുക.
ഒന്നു ഇട്ട് കുറച്ചു കഴിഞ്ഞു മാത്രം അടുത്തത് കൂടെ ഇട്ട് തിരിച്ചും മറിച്ചും ഇട്ട് വേവിച്ച് എടുക്കാം.
#Try #making #pazhampori #way
_(4).jpeg)
