( truevisionnews.com) സഞ്ചാരികളുടെ പ്രിയപ്പെട്ട നാടായ രാജസ്ഥാനിലേക്ക് പൈതൃക തീവണ്ടി സര്വീസ് ആരംഭിച്ചിരിക്കുകയാണ്. പാലി ജില്ലയിലെ മര്വാര് ജങ്ഷന് മുതല് ഖംലി ഘട്ട് വരെയാണ് ഈ ട്രെയിന് സര്വീസ് നടത്തുക.
നൂറ്റാണ്ടുകള് പഴക്കമുള്ള ആവിത്തീവണ്ടിയുടെ മാതൃകയിലാണ് ഈ ട്രെയിനും ഒരുക്കിയിരിക്കുന്നത്. രാജസ്ഥാന്റെ സമ്പന്നമായ ഭൂപ്രകൃതിയിലൂടെയും സംസ്കൃതിയിലൂടെയുമുള്ള യാത്രാനുഭവമാണ് ഈ പൈതൃക തീവണ്ടിയാത്ര നൽകുന്നത്. ഒരു സമയം 60 യാത്രക്കാര്ക്കായിരിക്കും ഈ ട്രെയിനില് യാത്ര ചെയ്യാന് സാധിക്കുക.
പൂര്ണമായും ശീതീകരിച്ച കോച്ചുകളാണ്. യാത്രയ്ക്കിടെ രാജസ്ഥാനിലെ മിനി കശ്മീര് എന്നറിയപ്പെടുന്ന ഗൊരം ഘട്ടിന്റെയും ഭീല് ബേരി വെള്ളച്ചാട്ടത്തിന്റെയും മനോഹരമായ കാഴ്ചകളും കാണാൻ സാധിക്കും. ആഴ്ചയില് നാല് ദിവസമാണ് ഈ സര്വീസ് ഉണ്ടാവുക.
രാവിലെ 8.30 ന് ഖംലിഘട്ടില് നിന്നും വൈകിട്ട് 3 ന് മാര്വാര് ജങ്ഷനില് നിന്നുമാണ് ട്രെയിന് പുറപ്പെടുക. ഒരാള്ക്കുള്ള ടിക്കറ്റ് നിരക്ക് 2000 രൂപയാണ്. ഡാര്ജിലിങ്-ഹിമാലയന് റെയില്വേ, നീലഗിരി മൗണ്ടന് റെയില്വേ, കല്ക-ഷിംല റെയില്വേ എന്നിവയാണ് രാജ്യത്തെ മറ്റ് പ്രധാന ഹെറിറ്റേജ് ട്രെയിന് സര്വീസുകള്.
#ValleyQueenHeritage #train #service #Rajasthan #launched