( truevisionnews.com ) മലകളും കാടും പുഴകളും ആസ്വദിക്കാൻ എല്ലാവരും ആഗ്രഹിക്കും. പ്രകൃതി ഭംഗിയാല് അനുഗ്രഹീതമായ ജില്ലകളിൽ ഒന്നാണ് കോഴിക്കോട്. ഇതാ കോഴിക്കോടിലേക്ക് ഒരു ഏകദിന യാത്രയൊരുക്കുകയാണ് കെ.എസ്.ആര്.ടി.സി ബജറ്റ് ടൂറിസം സെല്.
ജാനകിക്കാട്, കരിയാത്തും പാറ, തോണി കടവ്, പെരുവണ്ണാമൂഴി തുടങ്ങിയ കോഴിക്കോട്ടെ വിനോദസഞ്ചാര കേന്ദ്രങ്ങളിലൂടെയാണ് യാത്ര. ഈ മാസം എട്ടിന് ഞായറാഴ്ചയാണ് ഈ പാക്കേജ് ഒരുക്കിയിരിക്കുന്നത്. ഞായറാഴ്ച രാവിലെ 6.30 ന് കോഴിക്കോട് കെ.എസ്.ആര്.ടി.സി ബസ് സ്റ്റാന്ഡില് നിന്നും പുറപ്പെട്ട് വൈകിട്ട് 7 മണിയോടെ തിരിച്ചെത്തുന്ന രീതിയിലാണ് യാത്ര ക്രമീകരിച്ചിരിക്കുന്നത്.
കോഴിക്കോട് നഗരത്തില് നിന്ന് ഏകദേശം 54 കിലോമീറ്റര് അകലെയുള്ള മരുതോങ്കര ഗ്രാമത്തിലെ ജാനകിക്കാടിലാണ് ആദ്യം എത്തുക. ഇവിടെ വന്യമൃഗങ്ങളൊന്നും ഇല്ലാത്തതിനാല് പേടിയൊന്നും കൂടാതെ തന്നെ ഏവര്ക്കും കാടിന്റെ ഭംഗി ആസ്വദിക്കാം.
131 ഹെക്ടര് കാടുള്ള ഇവിടെ സമയം ചിലവഴിച്ച ശേഷം പിന്നീട് പെരുവണ്ണാമുഴി ഡാമിലേക്ക് യാത്ര പുറപ്പെടും. ഡാമില് യാത്രക്കാര്ക്ക് ബോട്ടിങ് നടത്താം.
ഉച്ചഭക്ഷണത്തിന് ശേഷം തോണിക്കടവ് കരിയാത്തുംപാറയും കറങ്ങിയ ശേഷമാണ് യാത്ര അവസാനിക്കുക.
വെറും 360 രൂപ മാത്രമാണ് ഈ യാത്രയ്ക്കായി ഒരാളില് നിന്ന് ഈടാക്കുന്നത്.
#KSRTC #Tour #Package #Janakikkad #Kariyathumpara #low #cost