മേപ്പയ്യൂർ: (വടകര ) (truevisionnews.com) മേപ്പയ്യൂരിലെ കടയിൽ തീ പിടുത്തം . മേപ്പയ്യൂരിലെ ഗവ: ആശുപത്രിക്ക് സമീപം കണ്ണീപ്പറമ്പിൽ അശോകൻ്റെ ചിത്രക്കൂട് എന്ന സ്റ്റേഷനറി കടയ്ക്കാണ് തീപിടിച്ചത്.
ഇന്നലെ വൈകുന്നേരം 4 മണിയോടു കൂടിയാണ് തീ പിടുത്തുണ്ടായത്. സമീപത്തുള്ള മറ്റു കടകളിലേക്ക് തീ പടരാതിരുന്നതിനാൽ വലിയ അപകടം ഒഴിവായി.
പേരാമ്പ്രയിൽ നിന്നും അസി: സ്റ്റേഷൻ ഓഫീസർ എം പ്രദീപന്റെ നേതൃത്വത്തിൽ രണ്ട് യൂണിറ്റ് ഫയർ എഞ്ചിൻ എത്തിയാണ് തീയണച്ചത്.
കെ.സുജാത് ,ഫയർ & റെസ്ക്യൂ ഓഫീസർമാരായ സുധീഷ്. വി.കെ, ഷിജിത്ത് എ, രതീഷ് കെ.എൻ, സോജു പി ആർ, സനൽ രാജ് രഗിനേഷ് കെ., ഷൈജു വി.കെ, പ്രശാന്ത് ഇ എം എന്നിവരും , നാട്ടുകാരും രക്ഷാപ്രവർത്തനത്തിൽ പങ്കാളികളായി. വൈദ്യുത ഷോർട്ട് സർക്യൂട്ട് മൂലമാണ് തീപിടിത്തമുണ്ടായതെന്നാണ് പ്രാഥമിക നിഗമനം.
#fire #broke #out #shop #Mepayyur #huge #accident #avoided
