.jpg)
(truevisionnews.com) വീട്ടിൽ തന്നെ വളരെ എളുപ്പത്തിൽ തയ്യാറാക്കി എടുക്കാൻ സാധിക്കുന്ന ഒരു ഗുജറാത്തി പലഹാരമാണ് ബേസന്‍ കാന്ത്‌വി. അല്പം പുളിയും ഉപ്പ് രുചിയും ചേർന്ന ഈ പലഹാരം കെച്ചപ്പിനൊപ്പമോ മല്ലി പുതിയിന ചട്നിക്കൊപ്പമോ ചേർത്ത് കഴിക്കാവുന്ന ഒരു ഭക്ഷണമാണ്. എങ്ങനെ എളുപ്പത്തിൽ ബേസന്‍ കാന്ത്‌വി തയ്യാറാക്കാമെന്ന് നോക്കാം...
ചേരുവകൾ
കടലപ്പൊടി-1/2 കിലോ
തൈര്-1 കപ്പ്
ഉപ്പ്- പാകത്തിന്
മഞ്ഞള്‍-1/2 ടീസ്പൂണ്‍
കായം- 1/2ടീസ്പൂണ്‍
കടുക്- 2 ടീസ്പൂണ്‍
കറിവേപ്പില (അരിഞ്ഞത് ) -5 മുതല്‍ 6 വരെ
തേങ്ങ ചിരവിയത്- 4 ടേബിള്‍ സ്പൂണ്‍
തയ്യാറാക്കുന്ന വിധം
ഒരു മീഡിയം സൈസ് ബൗൾ എടുത്ത് അതിലേക്ക് തൈര് ഒഴിക്കുക. അത് നന്നായി അടിച്ച് പതപ്പിച്ച് എടുക്കുക. അതിലേക്ക് പാകത്തിന് മഞ്ഞള്‍പൊടിയും കായവും ഉപ്പും ചേര്‍ക്കുക.
ശേഷം കടലമാവ് ചേര്‍ത്ത് കുഴമ്പുപരിവത്തില്‍ തയ്യാറാക്കിയെടുക്കുക. പിന്നീട് ഒരു കടായി ചൂടാക്കി മാവ് അതിലേക്ക് ഒഴിക്കുക. കട്ടപിടിക്കാതെ മാവ് കട്ടിയാകുന്നതുവരെ ഇളക്കികൊണ്ടിരിക്കണം.
അത് കുഴമ്പുപരിവത്തിലായാൽ ഒന്നോ രണ്ടോ പ്ലേറ്റെടുത്ത് അവയില്‍ എണ്ണ തേച്ച് കൊടുക്കുക. അതിലേക്ക് തയ്യാറാക്കിയ മാവ് ഒഴിച്ചുകൊടുക്കുക. ശേഷം അഞ്ച് മിനിറ്റ് അത് തണുക്കാന്‍ വെയ്ക്കുക. അതിന് ശേഷം രണ്ടിഞ്ച് നീളത്തില്‍ അവ മുറിച്ചെടുക്കുക.
അതിന് മുകളിലേക്ക് കറിവേപ്പിലയും തേങ്ങ ചിരകിയതും ഇട്ട് നന്നായി ചുരുട്ടിയെടുക്കുക. ശേഷം മറ്റൊരു ഒരു പാന്‍ എടുത്ത് അല്‍പ്പം എണ്ണ ചൂടാക്കി അതിലേക്ക് കടുക് ഇട്ടുകൊടുക്കുക.
ഇതിലേക്ക് കറിവേപ്പിലും കൂടെ ചേര്‍ത്ത് ബേസന്‍ കാന്ത്‌വിയുടെ മുകളിലായി ഒഴിക്കുക. ആവശ്യാനുസരണം തേങ്ങയോ കറിവേപ്പിലയോ വെച്ച് അലങ്കരിക്കാം. കാന്ത്‌വി തയ്യാറായി.
#prepare #BesanKanthvi #Gujarati #dessert
