മഴക്കാലത്ത് പലരേയും ബാധിക്കുന്ന രോഗമാണ് ഡെങ്കിപ്പനി. ഈഡിസ് ഈജിപ്റ്റെ കൊതുകളിൽ നിന്ന് പകരുന്ന വൈറസ് രോഗമാണിത്. രോഗത്തിന്റെ തുടക്കത്തിൽ പതുക്കെ പ്ലേറ്റ്ലെറ്റുകൾ ഗണ്യമായ കുറവിലേക്ക് നയിക്കുന്നതാണ് ഇതിന്റെ പ്രത്യേകത .
അതികഠിനമായ തലവേദനയും പനിയും ശരീരവേദനയുമൊക്കെ ആണ് ഈ രോഗത്തിന്റെ ലക്ഷണങ്ങൾ. എന്നാൽ ഡെങ്കിപ്പനിയിൽ നിന്ന് കരകയറുന്നതിൽ ആരോഗ്യകരമായ ഭക്ഷണക്രമം അവിഭാജ്യ പങ്ക് വഹിക്കുന്നു. ഡെങ്കിപ്പനി ബാധിച്ചവർ കഴിക്കേണ്ട ഭക്ഷണങ്ങൾ എന്തൊക്കെയെന്ന് നമ്മുക്ക് നോക്കാം
- ഒന്ന്
- ഒന്ന്
മഞ്ഞൾ, ഇഞ്ചി, വെളുത്തുള്ളി, കുരുമുളക്, കറുവാപ്പട്ട, ഏലം, ജാതിക്ക എന്നിവ ആൻറി-ഇൻഫ്ലമേറ്ററി, ആന്റിഫംഗൽ, ആൻറിവൈറൽ, ആന്റിമൈക്രോബയൽ, ആൻറി ബാക്ടീരിയൽ, പ്രതിരോധശേഷി വർധിപ്പിക്കുന്ന ഗുണങ്ങളുള്ള സുഗന്ധവ്യഞ്ജനങ്ങളും ഔഷധസസ്യങ്ങളും ഉൾപ്പെടുന്നു. വൈറസുകളെ പ്രതിരോധിക്കാൻ ശരീരത്തെ സഹായിക്കുന്ന ടി-സെല്ലുകൾ പോലെയുള്ള രോഗപ്രതിരോധ കോശങ്ങളെ നിയന്ത്രിക്കുന്നതിലൂടെ പ്രതിരോധ സംവിധാനത്തെ ശക്തിപ്പെടുത്തുന്നതിന് ഇവ സഹായിക്കുന്നു.
- രണ്ട്
ആന്റി വൈറൽ, ആന്റി ഓക്സിഡന്റുകളാൽ സമ്പുഷ്ടമാണ് വൈറ്റമിൻ സി. അതായത് ഡെങ്കിപ്പനി സമയത്ത് ഓറഞ്ച്, നാരങ്ങ, പപ്പായ, പൈനാപ്പിൾ തുടങ്ങിയ പഴങ്ങളും പച്ച ഇലക്കറികൾ പോലുള്ള പച്ചക്കറികളും ഭക്ഷണത്തിൽ ഉൾപ്പെടുത്തുന്നത് ഗുണം ചെയ്യും
- മൂന്ന്
അതുപോലെ ഡെങ്കിപ്പനിയുടെ ലക്ഷണങ്ങൾ കുറയ്ക്കാൻ പപ്പായ ഇല സഹായിക്കുന്നു. ഒരു വ്യക്തി ഡെങ്കിപ്പനി പ്രാരംഭ ഘട്ടത്തിൽ ചികിത്സിച്ചില്ലെങ്കിൽ വഷളായേക്കാം. ഇത് പ്ലേറ്റ്ലെറ്റിന്റെ അളവ് കുറയാൻ ഇടയാക്കും. രക്തത്തിലെ പ്ലേറ്റ്ലെറ്റുകളുടെ അളവ് മെച്ചപ്പെടുത്താൻ പപ്പായയുടെ ഇല സഹായിക്കുന്നു. എന്നാൽ ഇത് രോഗാവസ്ഥയ്ക്ക് ഒരു പരിഹാരമല്ല, മാത്രമല്ല രോഗലക്ഷണങ്ങളെ മാത്രമേ സഹായിക്കൂ.
- നാല്
ഡെങ്കിപ്പനിക്കുള്ള ഏറ്റവും ആരോഗ്യകരമായ പഴങ്ങളിൽ ഒന്നാണ് മാതളനാരങ്ങ. ഈ പഴത്തിൽ വിറ്റാമിനുകളും ധാതുക്കളും മറ്റ് പോഷകങ്ങളും അടങ്ങിയിട്ടുണ്ട്. അതിനാൽ ശരീരത്തിന് ആവശ്യമായ ഊർജ്ജം നൽകുന്നു. ക്ഷീണവും തളർച്ചയും കുറയ്ക്കാൻ മാതളനാരങ്ങ സഹായിക്കുന്നു. മാതളനാരങ്ങയിൽ ഉയർന്ന ഇരുമ്പിന്റെ അംശമുള്ളതിനാൽ ഇത് ഡെങ്കിബാധിതർക്ക് ആവശ്യമായ രക്തത്തിലെ പ്ലേറ്റ്ലെറ്റ് കൗണ്ട് നിലനിർത്താനും ഡെങ്കിപ്പനിയിൽ നിന്ന് വേഗത്തിൽ സുഖം പ്രാപിക്കാനും സഹായിക്കുന്നു.
- അഞ്ച്
ഡെങ്കിപ്പനി പിടിപെടുമ്പോൾ ബ്രൊക്കോളി കഴിക്കേണ്ടത് ആവശ്യമാണ്. രക്തത്തിലെ പ്ലേറ്റ്ലെറ്റ് എണ്ണം വർദ്ധിപ്പിക്കാൻ സഹായിക്കുന്ന വിറ്റാമിൻ കെയുടെ പ്രധാന ഉറവിടങ്ങളിലൊന്നാണ് ഇത്. ആറ്... ഏലം, കുരുമുളക്, കറുവാപ്പട്ട, ഇഞ്ചി, മറ്റ് ഔഷധസസ്യങ്ങൾ എന്നിവ ചേർത്തുണ്ടാക്കുന്ന ഹെർബൽ ചായയും രോഗം ഭേദമാക്കാൻ സഹായിക്കുന്നു. അതൊടൊപ്പം ക്ഷീണം അകറ്റുന്നതിനും സഹായകമാണ്.
#important #foods #denguepatients #shouldeat #Comelet'ssee
