.jpg)
(truevisionnews.com) കുട്ടികളും മുതിർന്നവരും ഒരുപോലെ ഇഷ്ടപ്പെടുന്ന ഒരു വിഭവമാണ് ഇറച്ചിപ്പത്തിരി. വളരെ കുറഞ്ഞ ചേരുവകൾ ഉപയോഗിച്ച് എങ്ങനെ എളുപ്പത്തിൽ മലബാർ സ്റ്റൈൽ ഇറച്ചിപ്പത്തിരി ഉണ്ടാക്കാം എന്ന് നോക്കാം.
ചേരുവകള്‍
ഇറച്ചി- കാൽ കിലോ
സവാള- 3 എണ്ണം
ഇഞ്ചി- 1 കഷണം
പച്ചമുളക്- 4 എണ്ണം
വെളുത്തുള്ളി- 5 അല്ലി
ഇറച്ചി മസാല- 1 ടേബിള്‍ സ്പൂണ്‍
മുളക് പൊടി- 1 ടീസ്പൂണ്‍
മഞ്ഞള്‍പ്പൊടി - 1 ടീസ്പൂണ്‍
ഗോതമ്പ്‌പൊടി- 1/2 കിലോ
മൈദ- 250 ഗ്രാം
ഉപ്പ്- ആവശ്യത്തിന്
മല്ലിയില- ആവശ്യത്തിന്
തയ്യാറാക്കുന്ന വിധം
ഇറച്ചി നന്നായി വേവിച്ചത്തിനു ശേഷം പൊടിച്ചെടുക്കുക. ഒരു പാനില്‍ എണ്ണ ചൂടാക്കിയതിന് ശേഷം ഇഞ്ചി, പച്ചമുളക്, സവാള, വെളുത്തുള്ളി എന്നിവ ചേര്‍ത്ത് വഴറ്റുക. ഇതിലേക്ക് ആവശ്യമായ ഇറച്ചി മസാല, മുളകുപൊടി, മഞ്ഞള്‍പ്പൊടി എന്നിവ കൂടി ചേർത്ത് കൊടുക്കുക.
മറ്റൊരു പാത്രത്തിൽ മൈദയും ഗോതമ്പ്‌പൊടിയും ആവശ്യത്തിന് ഉപ്പും വെള്ളവും ചേര്‍ത്ത് ചപ്പാത്തിമാവിന്റെ അളവില്‍ കുഴച്ചെടുക്കുക. ഒരേ വലിപ്പത്തിലുള്ള നേരിയ പൂരികളായി പരത്തിയെടുക്കുക.
ഒരു പൂരിയുടെ നടുവില്‍ ചിക്കന്‍വെച്ച് മറ്റൊരു പൂരികെണ്ട് അടച്ച രണ്ട് പൂരികളും തമ്മില്‍ വെള്ളം ഉപയോഗിച്ച് ഒട്ടിച്ചുവെയ്ക്കുക. ഇങ്ങനെ എല്ലാ പൂരിയും തയ്യാറാക്കിയതിന് ശേഷം എണ്ണയില്‍ പൊരിച്ചെടുക്കുക. മലബാർ ഇറച്ചി പത്തിരി തയ്യാറായി.
#malabar #style #irachipathiri #easly #make
