ഇടുക്കി: അടിമാലിക്കടുത്ത് കല്ലാറിനു സമീപം റിസോർട്ട് കോതമംഗലം സ്വദേശിക്ക് പാട്ടത്തിന് നൽകിയതിൽ വഞ്ചന കാണിച്ചെന്ന പരാതിയിലാണ് ബാബു രാജിനെ ഇന്ന് ഉച്ചയോടെ അടിമാലി പോലീസ് അറസ്റ്റ് ചെയ്തത് .40 ലക്ഷം രൂപ നൽകിയാണ് റിസോർട്ട് പാട്ടത്തിന് നൽകിയത് .ഈ റിസോർട്ട് റവന്യു നടപടികൾ നേരിടുന്ന റിസോർട്ട് ആയിരുന്നു .
ആ കാര്യം മറച്ചു വെച്ചാണ് ബാബുരാജ് പാട്ടത്തിന് നൽകിയത് . ലോക്ക് ഡൗൺ സമയത്ത് റിസോർട്ട് തുറക്കാൻ കഴിയാത്ത സാഹചര്യം വന്നു .ആ സമയത്ത് പണം തിരികെ ചോദിച്ചപ്പോൾ തിരികെ നൽകിയില്ലെന്ന് കാണിച്ചാണ് കോതമംഗലം സ്വദേശി നടനെതിരെ പരാതി നൽകിയത് .ഇതേ തുടർന്ന് ചോദ്യം ചെയ്യലിനായി ബാബുരാജ് കഴിഞ്ഞ ദിവസം അടിമാലി പോലീസ് സ്റ്റേഷനിൽ ഹാജരായിരുന്നു.അതിനു ശേഷമാണു ഇന്ന് അറസ്റ്റ് രേഖപ്പെടുത്തിയത്.വൈകുന്നേരത്തോടെ ബാബുരാജിനെ ജാമ്യത്തിൽ വിട്ടയക്കുകയും ചെയ്തു
Actor Baburaj gets bail for actor arrested in fraud case