പാലക്കാട് : പാലക്കാട് കോഴിക്കൂട്ടിനുള്ളിൽ പുലി കുടുങ്ങി. മണ്ണാർക്കാട് കോട്ടോപ്പാടത്താണ് സംഭവം. പുലിയുടെ കാൽ കോഴിക്കൂട്ടിൽ കുടുങ്ങിയനിലയിലാണ്. പൊലീസും വനംവകുപ്പ് സ്ഥലത്തെത്തിയിട്ടുണ്ട്.
പുലിയെ മയക്കുവെടിവെച്ച് പിടികൂടാനാണ് ശ്രമം. ഇതിനായി വയനാട്ടിൽ നിന്നും ഡോ.അരുൺ സക്കറിയയുടെ സംഘം പാലക്കാട്ടേക്ക് തിരിച്ചു.രാവിലെ ഒമ്പത് മണിയോടെ അരുൺ സക്കറിയ പാലക്കാട്ടേക്ക് എത്തുമെന്നാണ് വിവരം.
പുലിയെ മാറ്റുന്നതിനായി കൂട് തയറാക്കിയിട്ടുണ്ട്. പുലർച്ചെ ഒരു മണിയോടെയാണ് കോഴിക്കൂട്ടിൽ പുലി കുടുങ്ങിയത്. പൂവത്താണി ഫിലിപ്പ് എന്നയാളുടെ വീട്ടിലായിരുന്നു പുലി എത്തിയത്.
നേരത്തെ തെങ്കരയിലെ ജനവാസമേഖലയിലാണ് പുലിയും രണ്ട് കുഞ്ഞുങ്ങളേയും കണ്ടിരുന്നു. പ്രദേശത്ത് കൂടെ കാറിൽ യാത്ര ചെയ്ത യുവാക്കളാണ് തള്ളപ്പുലിയെയും രണ്ട് കുട്ടികളേയും കണ്ടത്. ഒരു മാസം മുമ്പ് പ്രദേശത്ത് വളർത്തുനായയെ പുലി കൊന്നിരുന്നു.
Tiger trapped in Palakkad Kozhikode; Attempted arrest by drug shooting
