22കാരിയുടെ മൃതദേഹം കണ്ടെത്തിയ സംഭവം; യുവതിയുടെ അച്ഛനും അമ്മയും അറസ്റ്റിൽ

22കാരിയുടെ മൃതദേഹം കണ്ടെത്തിയ സംഭവം; യുവതിയുടെ അച്ഛനും അമ്മയും അറസ്റ്റിൽ
Nov 22, 2022 09:22 AM | By Vyshnavy Rajan

യുപിയിലെ മഥുരയിൽ യമുന എക്‌സ്‌പ്രസ്‌വേയ്ക്ക് സമീപം സ്യൂട്ട്‌കേസിനുള്ളിൽ 22കാരിയുടെ മൃതദേഹം കണ്ടെത്തിയ സംഭവത്തിൽ യുവതിയുടെ അച്ഛനും അമ്മയും അറസ്റ്റിലായി. ആയുഷി ചൗധരിയെന്ന യുവതിയാണ് കൊല്ലപ്പെട്ടത്.

മറ്റൊരു ജാതിയിലുള്ളയാളെ വിവാഹം ചെയ്തതിൽ ആയുഷിയോട് കുടുംബത്തിന് എതിർപ്പുണ്ടായിരുന്നു. ലൈസൻസുള്ള തോക്ക് ഉപയോഗിച്ച് ആയുഷിയെ വെടിവെച്ച ശേഷം അച്ഛൻ, മൃതദേഹം സ്യൂട്ട്‌കേസിൽ പൊതിഞ്ഞ് ഹൈവേയിൽ തള്ളുകയായിരുന്നു.സ്യൂട്ട്കേസിനുള്ളിൽ മൃതദേഹം കണ്ടെത്തിയപ്പോഴും അത് ആരുടേതെന്ന് തിരിച്ചറിയാൻ കഴിഞ്ഞിരുന്നില്ല.

പിന്നീട് ഒരു അഞ്ജാതൻ ഫോണിലൂടെ നൽകിയ വിവരങ്ങളാണ് മൃതദേഹം ആയുഷിയുടേതെന്ന് തിരിച്ചറിയാൻ സഹായിച്ചത്. ദില്ലിയിലെ ബദര്‍പൂരിലെ വസതിയില്‍ വച്ചായിരുന്നു ദുരഭിമാനക്കൊല നടന്നത്. കൊലപാതകത്തിന് ശേഷം മൃതദേഹം ഒരു ചുവന്ന സ്യൂട്ട് കേസിനുള്ളിലാക്ക് യമുനാ എക്സ്പ്രസ് വേയില്‍ മഥുര ജില്ലയിലെ റായ മേഖലയില്‍ തള്ളുകയായിരുന്നു.

നവംബര്‍ 18നാണ് യുവതിയുടെ മൃതദേഹം കണ്ടെത്തിയത്. ഭരത്പൂര്‍ സ്വദേശിയായ ഛത്രപാല്‍ എന്ന യുവാവുമായി 22കാരിയായ ആയുഷി പ്രണയത്തിലായിരുന്നു. ഒരു വര്‍ഷം മുന്‍പ് ആര്യ സമാജ് ക്ഷേത്രത്തില്‍ വച്ച് ഇരുവരും രഹസ്യമായി വിവാഹിതരായി. വിവാഹശേഷവും മാതാപിതാക്കള്‍ക്കൊപ്പമായിരുന്നു യുവതി താമസിച്ചിരുന്നത്.

നവംബര്‍ 17ന് ഉച്ച കഴിഞ്ഞ ശേഷം ആയുഷിയും അമ്മയും തമ്മില്‍ വിവാഹത്തേച്ചൊല്ലി തര്‍ക്കമുണ്ടായി. ഇതോടെയാണ് രഹസ്യ വിവാഹത്തേക്കുറിച്ച് യുവതിയുടെ വീട്ടിലറിയുന്നത്. അമ്മ പറഞ്ഞത് പിതാവും രഹസ്യ വിവാഹത്തേക്കുറിച്ച് അറിഞ്ഞ് ക്ഷുഭിതനായി. വിവാഹം അംഗീകരിക്കാന്‍ ഒരിക്കലും തയ്യാറാവില്ലെന്ന് പിതാവ് ആയുഷിയോട് പറഞ്ഞു.

ഇതിനേച്ചൊല്ലി മൂവരും തര്‍ക്കിക്കുകയായിരുന്നു. ഇഥിനിടയില്‍ പിതാവ് ആയുഷിയുടെ നെഞ്ചിലേക്ക് വെടി വയ്ക്കുകയായിരുന്നു. വെടിയേറ്റ ആയുഷി സംഭവ സ്ഥലത്ത വച്ച് തന്നെ മരിച്ചു. മകള്‍ മരിച്ചതിന് പിന്നാലെ പിതാവ് സമീപത്തെ കടയില്‍ നിന്ന് പോളിത്തീന്‍ കവര്‍ വാങ്ങിക്കൊണ്ടുവന്നു. ഇതുപയോഗിച്ച് മൃതദേഹം പാക്ക് ചെയ്ത് സ്യൂട്ട് കേസിലാക്കി.

പുലര്‍ച്ചെ 3 മണിയോടെ മൃതദേഹവുമായി കാറില്‍ എക്സ്പ്രസ് വേയിലെത്തി 5 മണിയോടെ മൃതദേഹം റോഡില്‍ തള്ളുകയായിരുന്നു. വീട്ടില്‍ നിന്നും 150 കിലോമീറ്റര്‍ അകലെയാണ് മൃതദേഹം തള്ളിയത്. പിതാവ് വാഹനം ഓടിക്കുമ്പോള്‍ അമ്മ പിന്‍സീറ്റിലുണ്ടായിരുന്നുവെന്നാണ് പൊലീസ് വിശദമാക്കുന്നത്.

മൃതദേഹം കണ്ടെത്തി രണ്ട് ദിവസത്തിന് ശേഷം ആയുഷിയുടെ അമ്മയും സഹോദരനുമെത്തിയാണ് മൃതദേഹം തിരിച്ചറിഞ്ഞത്. പോസ്റ്റ് മോര്‍ട്ടത്തിനെത്തിച്ച മൃതദേഹം പൊട്ടിക്കരഞ്ഞാണ് ഇരുവരും തിരിച്ചറിഞ്ഞത്. എന്നാല്‍ മകളെ കാണാതായത് സംബന്ധിച്ച് കുടുംബം പൊലീസില്‍ പരാതിപ്പെട്ടിരുന്നില്ല. ഇതില്‍ പൊലീസിന് അസ്വഭാവികത തോന്നിയിരുന്നു.

22-year-old's body was found; The girl's father and mother were arrested

Next TV

Related Stories
ദില്ലി പാലത്ത് കൂട്ടക്കൊല,ഒരുകുടുംബത്തിലെ നാലുപേർ കുത്തേറ്റ് മരിച്ചു

Nov 23, 2022 07:52 AM

ദില്ലി പാലത്ത് കൂട്ടക്കൊല,ഒരുകുടുംബത്തിലെ നാലുപേർ കുത്തേറ്റ് മരിച്ചു

ദില്ലി പാലത്ത് കൂട്ടക്കൊല. ഒരു കുടുംബത്തിലെ നാലുപേർ കുത്തേറ്റ് മരിച്ചു...

Read More >>
അമ്മയെ കഴുത്തറുത്ത് കൊന്ന് മകന്‍ ആത്മഹത്യ ചെയ്തു

Nov 22, 2022 11:39 AM

അമ്മയെ കഴുത്തറുത്ത് കൊന്ന് മകന്‍ ആത്മഹത്യ ചെയ്തു

അമ്മയെ കഴുത്തറുത്ത് കൊന്ന് മകന്‍ ആത്മഹത്യ...

Read More >>
പ്ലസ് വൺ വിദ്യാർത്ഥിനിയെ അധ്യാപകൻ പീഡിപ്പിച്ച ക്കേസ്;  മൂന്ന് പേ‍ർ കൂടി അറസ്റ്റിൽ

Nov 22, 2022 09:39 AM

പ്ലസ് വൺ വിദ്യാർത്ഥിനിയെ അധ്യാപകൻ പീഡിപ്പിച്ച ക്കേസ്; മൂന്ന് പേ‍ർ കൂടി അറസ്റ്റിൽ

പ്ലസ് വൺ വിദ്യാർത്ഥിനിയെ അധ്യാപകൻ പീഡിപ്പിച്ച ക്കേസ്; മൂന്ന് പേ‍ർ കൂടി...

Read More >>
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച 67കാരൻ അറസ്റ്റിൽ

Nov 22, 2022 09:17 AM

പ്രായപൂർത്തിയാകാത്ത പെൺകുട്ടിയെ പീഡിപ്പിച്ച 67കാരൻ അറസ്റ്റിൽ

പ്രായപൂർത്തിയാകാത്ത പെൺകുട്ടിയെ പീഡിപ്പിച്ച 67കാരൻ അറസ്റ്റിൽ...

Read More >>
മദ്യപാനത്തെ തുടർന്നുണ്ടായ സംഘർഷം; അന്യ സംസ്ഥാന തൊഴിലാളി കൊല്ലപ്പെട്ടു

Nov 22, 2022 09:00 AM

മദ്യപാനത്തെ തുടർന്നുണ്ടായ സംഘർഷം; അന്യ സംസ്ഥാന തൊഴിലാളി കൊല്ലപ്പെട്ടു

മദ്യപാനത്തെ തുടർന്നുണ്ടായ സംഘർഷം; അന്യ സംസ്ഥാന തൊഴിലാളി...

Read More >>
ഹണിട്രാപ് കേസിൽ വ്‌ളോഗറും ഭർത്താവും പിടിയിൽ

Nov 22, 2022 08:03 AM

ഹണിട്രാപ് കേസിൽ വ്‌ളോഗറും ഭർത്താവും പിടിയിൽ

ഹണിട്രാപ് കേസിൽ വ്‌ളോഗറും ഭർത്താവും...

Read More >>
Top Stories