---
title: "കരുത്തോടെ തിളങ്ങുന്ന മുടി വേണ്ടേ ...? ഈ അഞ്ച് ജ്യൂസുകൾ കുടിച്ചു നോക്കൂ !"
english_title: "Try these five juices for shiny hair"
publisher: "truevisionnews.com"
canonical_url: "https://truevisionnews.com/news/306052/try-these-five-juices-for-shiny-hair"
published_at: "2025-08-02T12:10:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/688db52af2f7c_nbnn.jpg"
keywords: []
---

# കരുത്തോടെ തിളങ്ങുന്ന മുടി വേണ്ടേ ...? ഈ അഞ്ച് ജ്യൂസുകൾ കുടിച്ചു നോക്കൂ !

> **Lead Summary:** **** ആരോഗ്യമുള്ള മുടി വളർച്ചയ്ക്ക് പോഷകസമൃദ്ധമായ ഭക്ഷണം കഴിക്കേണ്ടത് വളരെ പ്രധാനമാണ്. ആവശ്യമായ പോഷകങ്ങൾ ലഭിക്കാതെ വരുമ്പോൾ മുടികൊഴിച്ചിൽ ഉണ്ടാകാം. മുടി വളർച്ചയെ പ്രോത്സാഹിപ്പിക്കുന്ന അഞ്ച് തരം ജ്യൂസുകൾ പരിചയപ്പെടാം.

## Article Content

**** ആരോഗ്യമുള്ള മുടി വളർച്ചയ്ക്ക് പോഷകസമൃദ്ധമായ ഭക്ഷണം കഴിക്കേണ്ടത് വളരെ പ്രധാനമാണ്. ആവശ്യമായ പോഷകങ്ങൾ ലഭിക്കാതെ വരുമ്പോൾ മുടികൊഴിച്ചിൽ ഉണ്ടാകാം. മുടി വളർച്ചയെ പ്രോത്സാഹിപ്പിക്കുന്ന അഞ്ച് തരം ജ്യൂസുകൾ പരിചയപ്പെടാം.

**നെല്ലിക്ക ജ്യൂസ്**

വൈറ്റമിൻ സി ധാരാളമായി അടങ്ങിയ നെല്ലിക്ക ജ്യൂസ് മുടിയുടെ വളർച്ച വേഗത്തിലാക്കാൻ സഹായിക്കുന്നു. കൂടാതെ, ഇത് താരൻ കുറയ്ക്കുന്നതിനും വളരെ നല്ലതാണ്. ഒരു ഗ്ലാസ് നെല്ലിക്ക ജ്യൂസിൽ അൽപം തേൻ ചേർത്ത് കുടിക്കുന്നത് മുടി വളരാൻ സഹായിക്കും

**ബീറ്റ്റൂട്ട് ജ്യൂസ്**

ഇരുമ്പിന്റെ അംശം കൂട്ടാനും മുടി കൊഴിച്ചിൽ തടയാനും ബീറ്റ്റൂട്ട് ജ്യൂസ് ഉത്തമമാണ്. ബീറ്റ്റൂട്ടും ആപ്പിളും ഇഞ്ചിയും ചേർത്ത് ജ്യൂസാക്കി ആഴ്ചയിൽ രണ്ടോ മൂന്നോ ദിവസം കുടിക്കാം.

**പാലക്ക് ചീര ജ്യൂസ്**

പാലക്ക് ചീരയിൽ ഇരുമ്പ്, പൊട്ടാസ്യം, മഗ്നീഷ്യം, വൈറ്റമിൻ സി, ചെമ്പ് തുടങ്ങിയ പോഷകങ്ങൾ അടങ്ങിയിട്ടുണ്ട്. പാലക്ക് ചീരയും കാരറ്റും ചേർത്ത് ജ്യൂസാക്കി കുടിക്കുന്നത് മുടിക്ക് ഗുണം ചെയ്യും.

**വെള്ളരിക്ക ജ്യൂസ്**

ആന്റിഓക്‌സിഡന്റുകൾ, വൈറ്റമിനുകൾ, ധാതുക്കൾ എന്നിവയാൽ സമ്പന്നമാണ് വെള്ളരിക്ക ജ്യൂസ്. ഇത് മുടിക്ക് ബലം നൽകുകയും വളർച്ചയെ പ്രോത്സാഹിപ്പിക്കുകയും ചെയ്യുന്നു. വെള്ളരിക്കയിലുള്ള സിലിക്കണും സൾഫറും മുടി വളർച്ച വേഗത്തിലാക്കും.

**ഉണക്ക മുന്തിരി വെള്ളം**

പല പോഷകങ്ങളും അടങ്ങിയ ഉണക്ക മുന്തിരി മുടി വളരാൻ സഹായിക്കുന്നു. ഇതിൽ ഇരുമ്പ്, മഗ്നീഷ്യം, വൈറ്റമിൻ ബി6, വൈറ്റമിൻ സി എന്നിവ അടങ്ങിയിട്ടുണ്ട്. രാത്രിയിൽ ഉണക്ക മുന്തിരി വെള്ളത്തിലിട്ട് രാവിലെ വെറും വയറ്റിൽ കുടിക്കുന്നത് വളരെ നല്ലതാണ്.

### Related Links & Sources
- [Original Story Source](https://truevisionnews.com/news/306052/try-these-five-juices-for-shiny-hair)