---
title: "ഒടുവിൽ മോചനം; കന്യാസ്ത്രീകൾ ജയിലിൽ നിന്ന് പുറത്തേക്ക്"
english_title: "Nuns arrested in Chhattisgarh released from jail"
publisher: "truevisionnews.com"
canonical_url: "https://truevisionnews.com/news/306094/nuns-arrested-in-chhattisgarh-released-from-jail"
published_at: "2025-08-02T15:46:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/688de66d33de8_sister.jpg"
keywords: []
---

# ഒടുവിൽ മോചനം; കന്യാസ്ത്രീകൾ ജയിലിൽ നിന്ന് പുറത്തേക്ക്

> **Lead Summary:** ([**www.truevisionnews.com**]ഛത്തീസ്ഗണ്ഡിൽ അറസ്റ്റിൽ ആയ കന്യാസ്ത്രീകൾ ജയിൽ മോചിതരായി. ഇന്ന് 3.30 ഓടെ ജയിലിൽ നിന്ന് പുറത്തിറങ്ങി. കക്ഷിരാഷ്ട്രീയഭേദമന്യേ നിരവധിപേർ ജയിലിന് പുറത്ത് കന്യാസ്ത്രീകളെ സ്വീകരിക്കാൻ കാത്തുനിൽക്കുന്നുണ്ടായിരുന്നു. ഒൻപതുദിവസത്തെ കാരാഗൃഹവാസത്തിനു ശേഷം ഇന്നാണ് അവർക്ക് നീതി ലഭിച്ചത്. ജയിലിൽ നിന്നിറങ്ങി പോകുന്നത് റായ്പ്പൂർ ബിഷപ്പ് ഹൗസിലേക്ക്.

## Article Content

([**www.truevisionnews.com**]ഛത്തീസ്ഗണ്ഡിൽ അറസ്റ്റിൽ ആയ കന്യാസ്ത്രീകൾ ജയിൽ മോചിതരായി. ഇന്ന് 3.30 ഓടെ ജയിലിൽ നിന്ന് പുറത്തിറങ്ങി. കക്ഷിരാഷ്ട്രീയഭേദമന്യേ നിരവധിപേർ ജയിലിന് പുറത്ത് കന്യാസ്ത്രീകളെ സ്വീകരിക്കാൻ കാത്തുനിൽക്കുന്നുണ്ടായിരുന്നു. ഒൻപതുദിവസത്തെ കാരാഗൃഹവാസത്തിനു ശേഷം ഇന്നാണ് അവർക്ക് നീതി ലഭിച്ചത്. ജയിലിൽ നിന്നിറങ്ങി പോകുന്നത് റായ്പ്പൂർ ബിഷപ്പ് ഹൗസിലേക്ക്.

എന്‍ഐഎ കോടതിയാണ് കന്യാസ്ത്രീകൾക്ക് ജാമ്യം നല്‍കിയത്. കടുത്ത ഉപാതികളില്ലാതെയായിരുന്നു ജാമ്യം ലഭിച്ചത്. മനുഷ്യക്കടത്ത്, നിർബന്ധിത മതപരിവർത്തനം തുടങ്ങിയ ആരോപണങ്ങൾക്ക് ഛത്തീസ്ഗഢിൽ അറസ്റ്റിലായ മലയാളി കന്യാസ്ത്രീകള്‍ക്ക് കടുത്ത ഉപാധികളില്ലാതെയാണ് കോടതി ജാമ്യം നൽകിയത്. സാധാരണ ഗതിയിൽ കോടതി മുന്നോട്ടുവയ്ക്കുന്ന 3 ഉപാധികളോടെയാണ് ബിലാസ്പുർ എൻ ഐ എ കോടതി ജാമ്യം നൽകിയത്.

അമ്പതിനായിരം രൂപയുടെ 2 ആൾ ജാമ്യം, പാസ്പോർട്ട് സറണ്ടർ ചെയ്യണം, രാജ്യം വിട്ട് പോകരുത് എന്നീ ഉപാധികളോടെയാണ് ജാമ്യം നൽകാനുള്ള വിധി പുറപ്പെടുവിച്ചത്. ഇക്കാര്യമടക്കം ചൂണ്ടിക്കാട്ടി കോടതിയിൽ വലിയ പ്രതീക്ഷയാണുള്ളതെന്ന് കന്യാസ്ത്രീകളുടെ അഭിഭാഷകൻ പ്രതികരിച്ചിരുന്നു.

എന്‍ഐഎ കോടതിയുടെ അനുമതിയില്ലാതെ രാജ്യം വിടരുതെന്നാണ് പ്രധാന വ്യവസ്ഥ നിലവിലുണ്ട്. രണ്ടാഴ്ചയില്‍ ഒരിക്കല്‍ ബന്ധപ്പെട്ട പൊലീസ് സ്റ്റേഷനില്‍ ഹാജരാകണം, അന്വേഷണ ഏജന്‍സി ആവശ്യപ്പെടുമ്പോള്‍ ചോദ്യം ചെയ്യാന്‍ ഹാജരാകണം, തെളിവ് നശിപ്പിക്കരുത്, സാക്ഷികളെ സ്വാധീനിക്കരുത്, മാധ്യമങ്ങളോട് സംസാരിക്കരുത്, കേസിനെപ്പറ്റി പൊതുമധ്യത്തില്‍ പ്രതികരിക്കരുത് തുടങ്ങിയ വ്യവസ്ഥകളും എന്‍ഐഎ കോടതി മുന്നോട്ട് വച്ചിരുന്നു.

### Related Links & Sources
- [Original Story Source](https://truevisionnews.com/news/306094/nuns-arrested-in-chhattisgarh-released-from-jail)