---
title: "ഏജ് ഇൻ റിവേഴ്‌സ് ഗിയർ.....; ചർമ്മത്തിന്റെ തിളക്കം സ്വന്തമാക്കാം; തൈര് മുഖത്ത് ഇങ്ങനെ പുരട്ടി നോക്കൂ "
english_title: "home made yogurt face pack for glowing skin"
publisher: "truevisionnews.com"
canonical_url: "https://truevisionnews.com/news/306001/home-made-yogurt-face-pack-for-glowing-skin"
published_at: "2025-08-02T08:08:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/688d7adaed835_yogurt.jpg"
keywords: []
---

# ഏജ് ഇൻ റിവേഴ്‌സ് ഗിയർ.....; ചർമ്മത്തിന്റെ തിളക്കം സ്വന്തമാക്കാം; തൈര് മുഖത്ത് ഇങ്ങനെ പുരട്ടി നോക്കൂ 

> **Lead Summary:** ** **ആരോഗ്യം ശ്രദ്ധിക്കുന്നത് പോലെ തന്നെ പ്രധാനമാണ് ചർമ്മ സംരക്ഷണവും. മുഖത്തിന്റെ തിളക്കമാണ് അന്നത്തെ ദിവസത്തിന്റെ പ്രത്യേകത. അതിനാൽ ആരും തന്നെയില്ല ചർമ്മം സംരക്ഷിക്കാത്തവർ. എല്ലാവരും സുന്ദരന്മാരും സുന്ദരികളും ആയിരിക്കേണ്ടത് അത്യാവശ്യമാണ്. അതിനാൽ ദിവസവും ചർമ്മം തിളക്കമാർന്നതാക്കി മാറ്റാൻ ശ്രദ്ധിക്കണം. ചർമ്മം തിളക്കമാർന്നതാക്കാൻ ഇന്നൊരു പരീക്ഷണമായാലോ?

## Article Content

** **ആരോഗ്യം ശ്രദ്ധിക്കുന്നത് പോലെ തന്നെ പ്രധാനമാണ് ചർമ്മ സംരക്ഷണവും. മുഖത്തിന്റെ തിളക്കമാണ് അന്നത്തെ ദിവസത്തിന്റെ പ്രത്യേകത. അതിനാൽ ആരും തന്നെയില്ല ചർമ്മം സംരക്ഷിക്കാത്തവർ. എല്ലാവരും സുന്ദരന്മാരും സുന്ദരികളും ആയിരിക്കേണ്ടത് അത്യാവശ്യമാണ്. അതിനാൽ ദിവസവും ചർമ്മം തിളക്കമാർന്നതാക്കി മാറ്റാൻ ശ്രദ്ധിക്കണം. ചർമ്മം തിളക്കമാർന്നതാക്കാൻ ഇന്നൊരു പരീക്ഷണമായാലോ?

നിരവധി ആരോഗ്യ ഗുണങ്ങളുള്ള പാല്‍ ഉല്‍പ്പന്നം എന്ന നിലയില്‍ മാത്രമല്ല മികച്ച ഒരു സൗന്ദര്യ വര്‍ധക വസ്തു കൂടിയാണ് തൈര്. പ്രോട്ടീന്‍, വിറ്റാമിനുകള്‍, ധാതുക്കള്‍ എന്നിവയാല്‍ സമ്പന്നമാണ് തൈര്. തിളക്കമുള്ള ചര്‍മം ലഭിക്കാന്‍ ഏറ്റവും നല്ല പ്രകൃതിദത്തമായ മാര്‍ഗം കൂടിയാണിത്. ആവശ്യത്തിന് ജലാംശം ഉള്ളതിനാല്‍ ചര്‍മത്തിന്റെ ഈര്‍പ്പം നിലനിര്‍ത്താനും തൈര് അത്യുത്തമമാണ്.

**ചർമ്മം തിളക്കമുള്ളതാക്കുന്നു: **ലാക്റ്റിക് ആസിഡ് ഒരു ആൽഫാ ഹൈഡ്രോക്സി ആസിഡ് (AHA) ആണ്. ഇത് ചർമ്മത്തിലെ മൃതകോശങ്ങളെ നീക്കം ചെയ്യാനും പുതിയ കോശങ്ങളെ വളർത്താനും സഹായിക്കുന്നു, ഇത് ചർമ്മത്തിന് തിളക്കം നൽകുന്നു.

**ചർമ്മത്തിന് ഈർപ്പം നൽകുന്നു: **തൈരിലെ ഈർപ്പം ചർമ്മത്തെ മൃദുവും ജലാംശമുള്ളതുമാക്കി നിലനിർത്താൻ സഹായിക്കുന്നു. വരണ്ട ചർമ്മമുള്ളവർക്ക് ഇത് വളരെ നല്ലതാണ്.

**മുഖക്കുരു കുറയ്ക്കാൻ സഹായിക്കുന്നു**: തൈരിലെ ലാക്റ്റിക് ആസിഡും പ്രോബയോട്ടിക്കുകളും മുഖക്കുരുവിന് കാരണമാകുന്ന ബാക്ടീരിയകളെ നശിപ്പിക്കാനും വീക്കം കുറയ്ക്കാനും സഹായിക്കും.

**കറുത്ത പാടുകൾ കുറയ്ക്കുന്നു: **സൂര്യപ്രകാശമേറ്റുള്ള പാടുകൾ, വാർദ്ധക്യത്തിന്റെ പാടുകൾ എന്നിവയുടെ നിറം കുറയ്ക്കാൻ തൈര് സഹായിക്കും.

**ചർമ്മത്തെ മൃദുവാക്കുന്നു: **തൈര് പതിവായി ഉപയോഗിക്കുന്നത് ചർമ്മത്തിന്റെ ഘടന മെച്ചപ്പെടുത്തുകയും കൂടുതൽ മൃദുവായി തോന്നിക്കുകയും ചെയ്യും.

**സൂര്യതാപം ശമിപ്പിക്കുന്നു:** തൈരിലെ തണുപ്പിക്കാനുള്ള കഴിവ് സൂര്യതാപം ഏറ്റ ചർമ്മത്തിന് ആശ്വാസം നൽകും.

തൈര് ഒറ്റയ്ക്കോ മറ്റ് പ്രകൃതിദത്ത ചേരുവകളോടോ ചേർത്ത് ഫേസ് പാക്കുകളായി ഉപയോഗിക്കാം.

നേരിട്ടുള്ള ഉപയോഗം: ശുദ്ധമായ തൈര് മുഖത്തും കഴുത്തിലും പുരട്ടി 15-20 മിനിറ്റിനു ശേഷം തണുത്ത വെള്ളത്തിൽ കഴുകിക്കളയുക.

തൈരും കടലമാവും: ഒരു ടേബിൾസ്പൂൺ തൈരിൽ അൽപം കടലമാവ് ചേർത്ത് പേസ്റ്റ് രൂപത്തിലാക്കുക. ഇത് മുഖത്ത് പുരട്ടി ഉണങ്ങുമ്പോൾ കഴുകിക്കളയുക. ഇത് ചർമ്മത്തിലെ അധിക എണ്ണമയം നീക്കാനും തിളക്കം നൽകാനും സഹായിക്കും.

തൈരും തേനും: ഒരു ടേബിൾസ്പൂൺ തൈരിൽ അര ടീസ്പൂൺ തേൻ ചേർത്ത് മുഖത്ത് പുരട്ടുക. 15 മിനിറ്റിനു ശേഷം കഴുകി കളയുക. ഇത് ചർമ്മത്തിന് ഈർപ്പം നൽകാനും മൃദലമാക്കാനും സഹായിക്കും.

തൈരും മഞ്ഞളും: അൽപം തൈരും ഒരു നുള്ള് കസ്തൂരി മഞ്ഞളും ചേർത്ത് മുഖത്ത് പുരട്ടുന്നത് മുഖക്കുരുവിനും പാടുകൾക്കും നല്ലതാണ്.

എപ്പോഴും പുളിക്കാത്ത ശുദ്ധമായ തൈര് ഉപയോഗിക്കാൻ ശ്രമിക്കുക. ഫേസ് പാക്ക് ഉപയോഗിക്കുന്നതിന് മുൻപ് മുഖം നന്നായി വൃത്തിയാക്കുക. ഏത് പുതിയ ഉൽപ്പന്നവും ഉപയോഗിക്കുന്നതിന് മുൻപ് കൈത്തണ്ടയിൽ അൽപം പുരട്ടി പാച്ച് ടെസ്റ്റ് ചെയ്യുന്നത് നല്ലതാണ്, പ്രത്യേകിച്ച് സെൻസിറ്റീവായ ചർമ്മമുള്ളവർ. തൈര് ഫേസ് പാക്കുകൾ ആഴ്ചയിൽ 2-3 തവണ ഉപയോഗിക്കാവുന്നതാണ്.

### Related Links & Sources
- [Original Story Source](https://truevisionnews.com/news/306001/home-made-yogurt-face-pack-for-glowing-skin)