---
title: "ചുമയുണ്ടോ? മരുന്ന് കഴിച്ചിട്ടും മാറുന്നില്ലല്ലേ, എങ്കിൽ ആടലോടകം പൊടി ഒന്ന് പരീക്ഷിക്കൂ!"
english_title: "Health benefits of Adalotakkam "
publisher: "truevisionnews.com"
canonical_url: "https://truevisionnews.com/news/302667/health-benefits-of-adalotakkam-new"
published_at: "2025-07-15T14:55:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/687624b9e649a_WhatsApp_Image_2025-07-15_at_3.09.13_PM.jpeg"
keywords: []
---

# ചുമയുണ്ടോ? മരുന്ന് കഴിച്ചിട്ടും മാറുന്നില്ലല്ലേ, എങ്കിൽ ആടലോടകം പൊടി ഒന്ന് പരീക്ഷിക്കൂ!

> **Lead Summary:** > ഔഷധ സസ്യങ്ങളിലെ രാജാവാണ് ആടലോടകം. ആടലോടകത്തിന്റെ ആരോഗ്യഗുണങ്ങൾ ഏറെയാണ്. ആയൂർവേദത്തിൽ ഇതിന്റെ വേര്, ഇല, പൂവ്, കായ് എന്നിവയെല്ലാം ഔഷധയോഗ്യമാണ്. മലയാളികൾ ആടലോടകം വിട്ടുമുറ്റത്തും പറമ്പിലും നട്ടുവളർത്തുന്നുണ്ട്. "മലബാർ നട്ട്" എന്നും ഇത് അറിയപ്പെടുന്നു. ശ്വാസകോശ സംബന്ധമായ അസുഖങ്ങൾ, പ്രത്യേകിച്ച് ചുമ, കഫക്കെട്ട്, ആസ്ത്മ എന്നിവയ്ക്ക് ആടലോടകം മികച്ച മരുന്നാണ് . ചുമയ്ക്ക് ആടലോടകം പൊടിച്ചത് വളരെ ഫലപ്രദമായി ഉപയോഗിക്കുന്നുണ്ട്.

## Article Content

> ഔഷധ സസ്യങ്ങളിലെ രാജാവാണ് ആടലോടകം. ആടലോടകത്തിന്റെ ആരോഗ്യഗുണങ്ങൾ ഏറെയാണ്. ആയൂർവേദത്തിൽ ഇതിന്റെ വേര്, ഇല, പൂവ്, കായ് എന്നിവയെല്ലാം ഔഷധയോഗ്യമാണ്. മലയാളികൾ ആടലോടകം വിട്ടുമുറ്റത്തും പറമ്പിലും നട്ടുവളർത്തുന്നുണ്ട്. "മലബാർ നട്ട്" എന്നും ഇത് അറിയപ്പെടുന്നു. ശ്വാസകോശ സംബന്ധമായ അസുഖങ്ങൾ, പ്രത്യേകിച്ച് ചുമ, കഫക്കെട്ട്, ആസ്ത്മ എന്നിവയ്ക്ക് ആടലോടകം മികച്ച മരുന്നാണ് . ചുമയ്ക്ക് ആടലോടകം പൊടിച്ചത് വളരെ ഫലപ്രദമായി ഉപയോഗിക്കുന്നുണ്ട്.

**കഫം ഇല്ലാതാക്കാൻ: **ആടലോടകത്തിൽ അടങ്ങിയിരിക്കുന്ന വാസിസിൻ എന്ന ആൽക്കലോയിഡിന് കഫം ഇളക്കി പുറത്തുകളയാനുള്ള കഴിവുണ്ട്. ഇത് ചുമ കുറയ്ക്കാൻ സഹായിക്കുന്നു. അതിനാൽ ആടലോടകം പൊടി കഴിക്കുന്നത് നല്ലതാണ്

**ശ്വാസനാളി വികസിപ്പിക്കാൻ:** ആടലോടകം ശ്വാസനാളങ്ങളെ വികസിപ്പിക്കാൻ സഹായിക്കുന്നതിനാൽ ശ്വാസമെടുക്കാൻ എളുപ്പമാകും.

**ആന്റി-ഇൻഫ്ലമേറ്ററി ഗുണങ്ങൾ:** ഇതിന് വീക്കം കുറയ്ക്കുന്നതിനുള്ള കഴിവുണ്ട്, ഇത് തൊണ്ടയിലെ അസ്വസ്ഥതകൾക്ക് ആശ്വാസം നൽകും.

**പ്രതിരോധശേഷി വർദ്ധിപ്പിക്കാൻ: **ആടലോടകം ശരീരത്തിന്റെ പ്രതിരോധശേഷി വർദ്ധിപ്പിക്കാനും സഹായിച്ചേക്കാം.

**ചൂടുവെള്ളത്തിൽ: **അര മുതൽ ഒരു ടീസ്പൂൺ ആടലോടകം പൊടി ചൂടുവെള്ളത്തിൽ കലർത്തി രാവിലെയും വൈകുന്നേരവും ഒഴിഞ്ഞ വയറ്റിൽ കുടിക്കുന്നത് ചുമയുടെ ലക്ഷണങ്ങൾ കുറയ്ക്കാൻ സഹായിക്കും.

**തേൻ ചേർത്ത്: **ആടലോടകം പൊടി തേനിൽ ചാലിച്ച് കഴിക്കുന്നതും നല്ലതാണ്. ഇത് തൊണ്ടയ്ക്ക് ആശ്വാസം നൽകുകയും ചുമ കുറയ്ക്കുകയും ചെയ്യും.

**കരിപ്പെട്ടിക്കഷായം: **ആടലോടകം, കുരുമുളക്, കരിപ്പെട്ടി എന്നിവ വെള്ളത്തിൽ തിളപ്പിച്ച് കഷായമാക്കി കുടിക്കുന്നത് ചുമ, പനി എന്നിവയ്ക്ക് ഗുണം ചെയ്യും.

### Related Links & Sources
- [Original Story Source](https://truevisionnews.com/news/302667/health-benefits-of-adalotakkam-new)